کوردستان یا مللەتی یە، نە یا پارتی و یەکێتیه و دزيكەرايه
مەسعود شەریف محمد – چالاکوان
ئەوا ئەڤرۆ ل سەر دەستێ حوکمڕانیا فەشل یا پارتی و یەکێتی ل هەرێما کوردستانێ رووددەت، گەهشتیە ئاستەکێ وسا کو چ مرۆڤێن خودان ویژدان نکارن چاڤێن خۆ لێ بگرن. ئەڤە نە تەنێ خرابیا کارگێڕی یە، بەلکو زۆرداری و برسی کرنا ئاشکرا یە دژی مللەتێ مە.
بۆ چەندین مەھانە فەرمانبەر، مامۆستا، پێشمەرگە و خانەنشین بێ مووچە هاتینە هێلان. ئەڤ چەندە ژی نە ژ بێ پارهیی یە، بەلکو ژبەر وێ گەندەڵی و تالانکرنا داهاتی یە یا کو هەردوو حزب بۆ بەرژەوەندیێن خۆ یێن تایبەت دکەن. بۆ ڤان حزبان بتنێ گرنگ ئەوە ئەو تێر بن، و بەلا خۆ ژێ نابەن کا خەلک چەوا ژیانا خۆ دگوزەرینن! ئەڤ برسی کرنا سیستماتیک بارگرانیەکا مەزن خستیە سەر ملێ کاسبکار و کرێکاران و بازار یێ ب تەمامی ژ ناڤ چۆیی.
ژ لایەکێ دی ڤە، نەبوونا پەرلەمانەکێ کارا و بۆشاییا یاسایی، سەلماند کو ئەڤ دەسەڵاتە باوەری ب چ دیموکراسی و چاودێریێ نینە. ئەوان دڤێت بێ یاسا و د بێدەنگیێ دا وەلات بڕێڤە ببەن دا کو کەس پرسیارا داهاتی ژوان نەکەت. چەوا دڤێت وسا کوردستانێ بۆ بەرژەوەندیێن خۆ بکار دئینن؛ خەیانەتێ و خاکفرۆشیێ و هەمی تشتان دکەن دا کو خۆ تێر بکەن. خەلکی ددەنە کوشتن و زیندانکرن، و کەس نەشێت داخازا بچووکترین مافێ خۆ بکەت، چونکی یاسایەکا وێرانکەر ل ڤی وەلاتی چەسپاندینە.
ل سەر ڤێ چەندێ ژی، ئاسایش و ئارامیا وەلاتی کەفتیە د مەترسیێ دا ژبەر وێ کو گەنجێن مە (یێن داهاتیێ ڤی وەلاتی)، ژ بێ هیوایی و نەبوونا دەرەتانێن کار و ژیانەکا سەرفەراز، نەچار دبن ڕێکا کۆچبەریا ب مەترسی بگرنە بەر و وەلاتی بجه بهێلن. چ جاران کوردستان د قۆناغەکا وسا تاری دا نەبوویە کو تێدا دەنگێ ئازاد بهێتە کپکرن، و هەر کەسێ ڕەخنەیەکێ ل ڤێ زۆرداریێ بگرێت، بکەڤیتە بن گەف و گۆشاران. حکومەتا کوردستانێ هند جاشاتی یا کری، کو خەلک ژبەر کوشتن و بەرزەکرنێ کو د خوینا وێ دەسەڵاتێ دا هەیە، ناوێرن باخڤن. نەعلەت ل حوکمێ وە بن و ل یاسایێن وە بن!
دڤێت خەڵکێ مە دژی وێ ستەمێ بوەستیت یا بەرامبەر دایک و باب و گەنجێن مە ل کوردستانێ دهێتە کرن. چونکی جڕیسک ژ ئاگری پەیدا دبیت، و هەروەسا شۆڕشا گەلان ژی ژ گەنج و کەسێن هەژار دەستپێدکەت. هیڤیدارم ئیدی بلا خەلک بێدەنگ نەبینن، چونکی چ تشت نەماینە ژ دەست بدەن! مادەم نە خوارن هەیە، نە ڤەخوارن، نە معاش و نە کارەب، و هەمی تشت د دەستێ دەسەڵاتێ دا ل بن سێبەرا گەندەڵیێ نە و چ بۆ خەلکی ناکەن، ئیدی پێدڤیە ب زۆری ل دژی ڤی حوکمی ڕابنە سەر پێیان.
ئەڤڕۆ یان دێ ئازاد بن بۆ حەتا حەتایێ، یان ژی بلا مرنەکا سەرفراز ل پێشیا مە بیت، جهێ وێ چەندێ کو د بن دەستێ ڤان دا هەر ڕۆژ ب خەم و کەسەر بمرن. ڕابن و ب مەردینی بمرن! کوردستان یا گەلێ کوردە، نەک یا حزب و بنەماڵێن دزیکەر!
بژیت ئازادی و دادپەروەری بۆ خەڵکێ مە یێ خۆڕاگر
Post Comment