دادگای تاوانی هەولێر سزای لە سێدارەدانی بۆ د.سیروان مەحمود دەرکرد

-

دادگای تاوانی هەولێر سزای لەسێدارەدان و 40 ساڵ زیندانی بۆ دکتۆر سیروان مەحمود دەرکرد، ناوەڕاستی مانگی ئاداری ئەمساڵ بە چەکەوە هەڵیکوتایە سەر ماڵی خەزووری و چوار کەسی کوشت.

ئەمڕۆ سێشەممە 9ی کانونی یەکەمی 2025، دادگای تاوانەکانی هەولێر لەسەر تاوانی کوشتنی خەسوو و خەزووری سزای لە سێدارەدانی بۆ دکتۆر سیروان دەرکردووە، هاوکات لەسەر کوشتنی هاوسەرەکەی 20 ساڵ زیندانی و بە هەمانشێوە لەسەر کوشتنی خوشکی هاوسەرەکەشی 20 ساڵ زیندانی بۆ دەرکردووە.

دکتۆر سیروان مەحمود ئێوارەی 13ی ئاداری ئەمساڵ، لە گەڕەکی فەرمانبەرانی هەولێر بە چەکەوە هەڵیکوتایە سەر ماڵی خەزووری دەستڕێژی گولـلەی لێکردن و لە ئەنجامدا خەزووری و خەسووی و هاوژینەکەیی و خوشکی هاوژینەکەی کوشت، دوای ڕووداوەکە هەڵات بوو، بەڵام ڕۆژی دواتر 14ی ئادار، ئاسایشی هەولێر دەستگیرکردنی ئەو پزیشکەی راگەیاند، کە بە مادەی 406 لە یاسای سزادانی عێراق بڕیاری دەستگیرکردنی بۆ دەرکرابوو.