دەستەی ناوچە کوردستانییەکان: لێدوانەکانی پارێزگاری کەرکووک نادەستووریین و رەتیان دەکەینەوە
-
دەستەی گشتیی ناوچە یەکانی دەرەوەی ئیدارەی هەرێمی کوردستان، لە راگەیەندراوێکدا بە توندی وەڵامی لێدوانەکانی پارێزگاری کەرکووکی دایەوە و جەختی لەسەر پابەندبوون بە دەستووری عێراق کردەوە.
دەستەی ناوچە یەکان رایگەیاند، بنچینەی ی سیستەمی حوکمڕانی لە عێراقی نوێدا دەستووری وڵاتە کە بووەتە پەیمانێکی راستەقینە لە نێوان پێکهاتەکاندا. ئاماژە بەوەش کراوە، پابەندبوون بە دەستوور تەنها ئەرکێکی یاسایی نییە، بەڵکو رێزگرتنە لە ویستی هەموو گەلانی عێراق کە دژی زۆرداری تێکۆشاون.
لە راگەیەندراوەکەدا هاتووە، خەڵکی کوردستان وەک پێکهاتەیەکی ، ماددەی 140ی دەستوور بە تاقە نەخشەرێگەی هاوسەنگ دەبینن بۆ چارەسەرکردنی کێشەی ناسنامەی ناوچە یەکان لە چوارچێوەی عێراقی فیدراڵدا، هەر بۆیە هەر جۆرە لێدوانێکی نادەستووری کە لەلایەن پارێزگاری کەرکووکەوە بگوترێت، بە تەواوی رەتدەکرێتەوە.
دەستەی ناوچە یەکان هۆشداری دەدات کە لەم قۆناغە هەستیارەدا، پێویستە پارێزگاری کەرکووک گیانی پێکەوەژیانی راستەقینە لە شارەکەدا زاڵ بکات و خۆی لە بەکارهێنانی ئەو دەستەواژانە بەدوور بگرێت کە پێچەوانەی دەستوور و ویستی گەلی عێراقن.
لە کۆتایی راگەیەندراوەکەدا جەخت کراوەتەوە، کە لێدوان و دیدارە نادەستوورییەکان تەنها رووبەری بێمتمانەیی فراوان دەکەن و سەرنجی لایەنەکان لەسەر پرسە خزمەتگوزارییەکان لادەدەن، لە کاتێکدا ئێستا کەرکووک لە هەموو کاتێک زیاتر پێویستی بە ئاوەدانکردنەوە و خزمەتگوزاری هەیە.
Post Comment