مالیكی هۆشداری ده‌دات له‌ “درۆ”ی پێش هه‌ڵبژاردن

نوری مالیكی سهرۆكی هاوپهیمانی دهوڵهتی یاسا له تۆمارێكی دهنگیدا دڵنیایی دهدات دهربارهی دۆخی تهندروستی، هۆشداریش دهدات له “درۆ”ی پێش ههڵبژاردن.

میدیا عێراقییهكان تۆمارێكی دهنگی نوری مالیكی-یان بڵاوكردهوه كه تیایدا باس لهوه دهكات كه “ههندێك لایهن پێشوهخته دهستیان كردووه به بڵاوكردنهوهی دهنگۆ و درۆ، به ئامانجی دروستكردنی كاریگهری لهسهر راى گشتی پێش ههڵبژاردنهكان”.

له تۆمارهكهدا مالیكی جهخت لهوه دهكاتهوه كه باری تهندروستی باشه و ههموو ئهو زانیارییه ناڕاستانهی لهو بارهوه بڵاودهكرێنهوه، ناڕاستن.

راشیگهیاند كه ئهو پهیجانهی ئهو جۆره دهنگۆیانهوه بڵاودهكهنهوه گوماناوین و پاڵنهرێكی زانراویان ههیه، داواشی له هاوڵاتیان كرد نهكهونه داوی درۆیهكهوه كه سهقامگیری سیاسی به ئامانج دهگرێت.