ناوەڕۆکی کۆبوونەوەکەی مەسعود بارزانی و نوری مالیکی بڵاوکرایەوە
-
ئەمڕۆ شەممە 22ی تشرینی دووەمی 2025، مەسعود بارزانی، سەرۆکی پارتی دیموکراتی کوردستان و نوری مالیکی، سەرۆکی هاوپەیمانیی دەوڵەتی یاسا لە هەولێر کۆبوونەوە.
نووسینگەی راگەیاندنی نوری مالیکی لەبارەی کۆبوونەوەکە رایگەیاند، “لە سەرەتای کۆبوونەوەکەدا هەردوولا پیرۆزبایی سەرکەوتنی هەڵبژاردنەکان و تەواوکردنی پابەندبوونە دەستوورییەکەیان لە یەکتر کرد، هەروەها گفتوگۆ لەبارەی دۆخی سیاسی و ئەنجامی دیالۆگە بەردەوامەکانی نێوان هێزە نیشتمانییەکان کرا”.
بەپێی راگەیێندراوەکە بێت نوری مالیکی، ئاماژەی بە گرنگی بەردەوامیی هەوڵە هاوبەشەکان کرد بۆ پەلەکردن لە پێکهێنانی حکومەت بۆ جێبەجێکردنی خواستەکانی گەلی عێراق و بەهێزکردنی سەقامگیری و پاراستنی رێڕەوی دیموکراسی.
Post Comment