بەهۆی وەرگرتنی دووجار بەنزین لە رۆژێکدا؛ شۆفێرێک لە دەربەندیخان سزادرا
-
قائیمقامیەتی قەزای دەربەندیخان رایگەیاند، دەستیان بەسەر ئۆتۆمبێلێکی جۆری پیکابدا گرتووە و شۆفێرەکەشیان رووبەڕووی سزای یاسایی کردووەتەوە.
بەپێی زانیارییەکانی قائیمقامیەتی قەزاکە، ئەو شۆفێرە رێنماییەکانی دابەشکردنی سووتەمەنی پێشێل کردووە و لە ماوەی تەنها 1 رۆژدا، 2 جار پشکی بەنزینی وەرگرتووە.
هەر لەو چوارچێوەیەدا ئاماژە بەوە دراوە، کە پۆلیسی گەرمیان و لایەنە دارەکان توانیویانە ئۆتۆمبێلەکە دەستنیشان بکەن و دەستی بەسەردا بگرن، دوای ئەنجامدانی لێکۆڵینەوە و پشتڕاستکردنەوەی سەرپێچییەکە، تەواوی رێکارە یاساییەکان بەرانبەر شۆفێرەکە جێبەجێ کراون و سزای دارایی دراوە.
Post Comment