پارتی دیموکراتی کوردستان بڕیاری کۆتایی لەسەر کەرکوک دەدات
-
بڕیارە سبەی چوارشەممە، پارتی دیموکراتی کوردستان کۆبوونەوەیەکی یەکلاکەرەوە ئەنجام بدات و تێیدا هەڵوێستی کۆتایی خۆی لەسەر بەشداریکردن لە ئیدارەی نوێی کەرکوک و ئامادەبوون لە کۆبوونەوەکانی ئەنجومەنی پارێزگا ڕابگەیەنێت.
بڕیارە سبەی چوارشەممە 22ی تەممووزی 2026، ئەنجومەنی سەرکردایەتیی کەرکوک – گەرمیانی پارتی دیموکراتی کوردستان، بە ئامادەبوونی هەردوو نوێنەرەکەی حزبەکە لە ئەنجومەنی پارێزگای کەرکوک کۆببێتەوە.
تەوەرەی کۆبوونەوەکە گفتوگۆکردنە لەسەر چۆنیەتی تێکەڵبوونەوە بە پڕۆسەی سیاسی شارەکە و بڕیاردان لەسەر ئەوەی ئایا پارتی بەشداری کۆبوونەوەکانی داهاتووی ئەنجومەنی پارێزگا دەکات یاخود نا.
چاوەڕوان دەکرێت دوای کۆبوونەوەکەی سبەی، پارتی کۆتایی بەو بێدەنگییە بهێنێت و شێوازی مامەڵەکردنی لەگەڵ ئیدارە نوێیەکەی کەرکوک بۆ ڕای گشتی ئاشکرا بکات.
Post Comment