کوردستان گرفتی هەڵبژاردنی نییە… گرفتی “دوای هەڵبژاردن”ی هەیە!
محمد ئاراس حةمة سالاح
تێڕامانێکی زۆر بڕواپێکراو و هاوچەرخ پێمان دەڵێت کە گرفتە یەکەی سیستەمی سیاسی لە هەرێمی کوردستاندا لە خودی پرۆسەی هەڵبژاردن یان چوونە سەر صندوقەکانی دەنگداندا نییە؛ هاووڵاتییان دەچنە سەر صندوقەکان، پرۆسەی جیاکردنەوەی دەنگەکان بە سەرکەوتوویی بەڕێوە دەچێت، ئەنجامە بەرایی و کۆتاییەکان ڕادەگەیەنرێن، و پەرلەمانتارانی نوێش بە پەرۆشەوە لە هۆڵی پەرلەماندا سوێندی یاسایی دەخۆن.
بەڵام کاتێک ئەم هەنگاوە شکۆدارانە کۆتاییان پێدێت، ڕێک لە خاڵی وەرچەرخاندا گەورەترین شکستی ئیداری و دەستووری دەست پێ دەکات کە بریتییە لە جێبەجێکردن، وەرگێڕانی ئەنجامەکان بۆ حوکمرانی، و دامەزراندنی کابینەیەکی کارا! لەم مەملەکەتەدا، دەسەڵاتداران و حیزبەکان فێری ئەوە بوون کە بە شانازییەوە دیمەنی هەڵبژاردنەکان وەک بەڵگەی دیموکراتبوونی خۆیان پیشانی کۆمەڵگەی نێودەوڵەتی بدەن، بەڵام توانای ئەوەیان نییە ئاکامی ئەو هەڵبژاردنانە بوبکەنە بنەما بۆ دروستکردنی حکومەتێکی دامەزراوەیی. لێرەدا، وەک تەنزێکی کەمپێن و تاڵ دەبێت بڵێین:
“هەرێمی کوردستان بووەتە شارەزایەکی بێوێنە لە گەیشتن بە ڕۆژی هەڵبژاردن، بەڵام دیارە بەشە قورس و ئاڵۆزەکە ڕێک لە بەیانیی دوای هەڵبژاردنەوە دەست پێ دەکات!” سەرکردەکان وا مامەڵە لەگەڵ ئاکامەکاندا دەکەن کە گوایا دەنگی جەماوەر تەنیا ژمارەیەکی بێگیانە و دەکرێت لە دانوستانە تایبەتەکانی ژوورە داخراوەکاندا بە تەواوەتی فەرامۆش بوبکرێت یان پێچەوانە بوبکرێتەوە. کاتێک بەهای دەنگی هاووڵاتی لە ڕۆژی دوای هەڵبژاردن لەدەست دەچێت، ئیتر تەواوی پرۆسەکە واتای خۆی لەدەست دەدات و دەگۆڕێت بۆ نمایشێکی خولیی بێئاکام. کێشەی بنەڕەتیی هەرێم لەوەدا نییە کە ئایا دەتوانێت دەنگدان ڕێكبخات یان نا، بەڵکو لەوەدایە کە ئایا توانای ئەوەی هەیە ئەنجامی دەنگدان بوبکاتە هەوێنی دروستکردنی دامەزراوەی خزمەتگوزار. لە کۆتاییدا، دیموکراسییەکی پێگەیشتوو و ڕاستەقینە هەرگیزاوهەرگیز تەنیا بە شێوازی بەڕێوەبردنی ڕۆژی هەڵبژاردن و سندوقەکان هەڵسەنگاندنی بۆ ناکرێت، بەڵکو بەوە دەپێورێت کە چی ڕوودەدات ڕێک لە دوای ئەوەی دەنگەکان دەژمێردرێن و ئەنجامەکان دەچەسپێندرێن؛ کاتێک جیاوازیی نێوان براوە و دۆڕاو لە بڕیارە سیاسییەکاندا نابینرێت، ئیتر هەڵبژاردن دەبێتە ڕێوڕەسمێکی بێڕۆح کات دەکوژێت.
Post Comment