دووبارە کاندیدکردنەوەی نوری مالیکی؛ نیگەرانییە سیاسی و ئەمنییەکان بۆ داهاتووی عێراق
ڕابەر عەلی – چالاکوان
دووبارە کاندیدکردنەوەی نوری مالیکی، سەرۆک وەزیرانی پێشووی عێراق، بۆ پێگەی سەرۆک وەزیران، وەک بابەتێکی مشتومڕهێنەر لە ناو ساحەی سیاسی عێراقدا دەرکەوتووە و نیگەرانییەکانی زۆری سیاسی، کۆمەڵایەتی و ئەمنی دروست کردووە.
نوری مالیکی کە لە نێوان ساڵانی 2006 تا 2014 سەرۆک وەزیرانی عێراق بووە، بەهۆی سیاستەکان و شێوازی بەڕێوەبردنی دەوڵەت، ڕەخنەی فراوانی لەسەر کراوە. زۆر لە هێزە سیاسییەکان و چالاکانی مەدەنی دەڵێن ماوەی دەسەڵاتی ئەو بووەتە هۆی قووڵبوونی دابەشبوونی فرقەیی، لاوازبوونی دامەزراوەکانی دەوڵەت و تێکچوونی بارودۆخی ئەمنی، بە تایبەتی دوای هێرشی داعش لە ساڵی 2014.
سەرچاوە سیاسییەکان ئاماژە بەوە دەکەن کە دووبارە هاتنە ناو پێشبڕکێی سیاسی لەلایەن مالیکی، دەتوانێت دابەشبوونی نێوان هێزە شیعە، سونی و کورد زیاتر بکات وە مالیکی بە ئەندازیاری بڕینی قووت موچەی فەرمانبەرانی هەرێم بووە هەروەها مشتومڕی ناوخۆی ناو ماڵی شیعەکان قووڵتر بکات.
لە هەمان کاتدا، چالاکوانانی مەدەنی و توێژەرانی سیاسی هۆشداری دەدەن کە ئەم هەنگاوە دەتوانێت متمانەی گشتی بە پڕۆسەی هەڵبژاردن و گۆڕانکاری دیموکراتی لاواز بکات، بە تایبەتی لە نێوان گەنجاندا کە داوای سەرکردایەتییەکی نوێ و دەرچوون لە بازنەی سیاسەتی کۆن دەکەن.
لە ڕوانگەی ئەمنیشەوە، هەندێک شارەزا باس لەوە دەکەن کە گەڕانەوەی مالیکی دەتوانێت ئارامی سیاسی و ئەمنی لە وڵاتەکەدا تێک بدات، بە تایبەتی لەگەڵ هەبوونی میلیشیا چەکدارەکان و ناکۆکییە سیاسییەکان و بەتایبەت سەرۆک دۆناڵد ترەمپ بەڕوونی ئاماژەی پێکرد لە توویتێکدا.
هەروەها دووبارە نوری مالیکی دەتوانێت کاریگەری لەسەر یە نێودەوڵەتییەکانی عێراق هەبێت، بە تایبەتی لەگەڵ ئەو وڵاتانەی کە پێشتر ڕەخنەیان لە سیاستەکانی ئەو گرتبوو بەتایبەت ووڵاتانی کەنداو.
لە کاتێکدا عێراق بەردەوامە لە هەوڵدان بۆ جێگیرکردنی ئارامی و چارەسەری قەیرانی ئابووری و سیاسی، زۆر لە چاودێران پێیان وایە داهاتووی ئەم وڵاتە پێویستی بە ڕێککەوتنێکی نیشتمانی و سەرکردایەتییەکی هاوبەش هەیە، نەک گەڕانەوە بۆ سیاسەتەکانی ڕابردوو،وەک بینیمان لەسەردەمی ئەودا عێراق بە کۆمەڵێک گرفتی گەورەی سیاسی ئەمنی ئابووری گەورە دا تێپەری بۆیە من پێم وایە نووری مالیکی ئەم جارە وەک سەرۆک وەزیران هەڵبژێردرێت عێراق کەوتنێک مسۆگەر دەکات.
Post Comment