ماڵپەڕی شەفافیەت: داهاتی هەفتەیی رابردووی سلێمانی زیاترە لە 20 ملیار دینار ە
_
ماڵپەڕی شەفافیەت رایگەیاند، داهاتی هەفتەیەکی رابردووی سلێمانی زیاترە لە 20 ملیار دینار و بەراورد بە هەفتەیەک پێشتر 6% زیادیکردووە.
ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی، هەڵەبجە و هەردوو ئیدارەی راپەڕین و گەرمیان داهاتی یەك هەفتەی لە رۆژی 4 تاوەکو 10ی تشرینی یەکەمی 2025 بڵاوکردەوە کە 20 ملیار و 612 ملیۆن و 772 هەزار و 979 دینار بووە.
بەگوێرەی ماڵپەڕەکە، 88%ی بەشێوەی نەختییە و 12%ی بە شێوەی چەکە.
داهاتەکان نانەوتین و لە رێگەی 6 گەنجینە لە سلێمانی، گەرمیان، راپەڕین، چەمچەماڵ و هەڵەبجەوە کۆدەکرێنەوە.
داهاتی پار لەو سنوورانە زیاتر لە 900 ملیار دینار بووە و ئەم ساڵیش تاوەکو ئەمڕۆ زیاترە لە 718 ملیار دینار.
Post Comment