ئاسایشی هەرێم: بە سێ درۆن هێرشکرایە سەر کەمپی ئازادی لە کۆیە

-

دەزگای ئاسایشی هەرێم لە راگەیەندراوێکدا وردەکاریی هێرشە درۆنییەکەی بەرەبەیانی ئەمڕۆی سەر کەمپی ئازادی لە قەزای کۆیە ئاشکرا کرد و رایگەیاند، هێرشەکان هیچ زیانێکی گیانییان لێ نەکەوتووەتەوە.

ئەمڕۆ دووشەممە 28ـی ئەیلولی 2026، دەزگای ئاسایشی هەرێمی کوردستان لە راگەیەندراوێکدا بڵاویکردەوە: بەرەبەیانی ئەمڕۆ لە کاتژمێر 01:40 بۆ 02:10 خولەک، لەڕێگەی سێ فڕۆکەی بێفڕۆکەوان هێرشکرایە سەر کەمپی ئازادی لە سنووری قەزای کۆیە.

لە بەشێکی دیکەی راگەیەندراوەکەی دەزگای ئاسایشی هەرێمدا ئەوەش خراوەتەڕوو، لە دەرئەنجامی ئەو هێرشانەدا هیچ جۆرە زیانێکی گیانی نەبووە.