هاتووچۆی گەشتیاران لە مەرزی نێودەوڵەتیی باشماخ راگیرا

-  

بەڕێوەبەرایەتیی
کۆمەڵگەی دەروازەی نێودەوڵەتیی باشماخ رایگەیاند، هاتووچۆی گەشتیاران لە مەرزەکەوە
بە شێوەیەکی کاتی ڕاگیراوە بەهۆی پچڕانی سیستەمی ئەلیکترۆنی لە دیوی ئێرانی
دەروازەکە.

لە ڕاگەیەندراوێکدا، هۆبەی راگەیاندن و
یەکانی کۆمەڵگەکە ئاگاداری سەرجەم هاووڵاتییان و گەشتیارانی کردووەتەوە کە
ڕاستەوخۆ دوای چاکبوونەوەی سیستەمە ئەلیکترۆنییەکە و ئاساییبوونەوەی هاتووچۆ، لە
ڕێگەی پەیجی فەرمیی بەڕێوەبەرایەتیی دەروازەکەوە زانیاریی نوێ بڵاودەکاتەوە.