پارتی سەوزی کوردستان: بە بایەخێکی زۆرەوە دەڕوانینە رێککەوتنی نێوان یەکێتی و نەوەی نوێ و پێشوازی لێدەکەین
-
پارتی سەوزی کوردستان لەبارەی رێککەوتنی نێوان یەکێتیی نیشتمانیی کوردستان و جوڵانەوەی نەوەی نوێ راگەیەندراوێکی بڵاوکردەوە.
ئەمڕۆ شەممە 21ی شوباتی 2026، پارتی سەوزی کوردستان رایگەیاند، “پارتی سەوزی کوردستان، وەک هێزێکی سیاسیی نیشتمانی بە بایەخێکی زۆرەوە دەڕوانێتە رێککەوتنی نێوان یەکێتی و جوڵانەوەی نەوەی نوێ، ئێمە پێشوازی لەم هەنگاوە دەکەین و بە وەرچەرخانێکی گرنگ و بەرپرسیارانەی دەزانین لەپێناو یەکخستنەوەی نێوخۆیی و دروستکردنی گێکی هاوبەشی کوردی”.
لە راگەیەندراوەکەدا هاتووە، بۆچوون و ئامانجەکانی ئێمە لە پشتگیریکردنی ئەم ڕێککەوتنە:
-یەکخستنی ماڵی کوردی: ئەم هەنگاوە دەبێتە هۆی یەکخستنەوەی هێز و تواناکان بۆ تێپەڕاندنی ئەو چەقبەستووییە سیاسییەی کە بەرۆکی هەرێمەکەمانی گرتووە.
– کارکردنەوەی دامەزراوەکان: رێککەوتنەکە زەمینەخۆشکەرە بۆ چارەسەرکردنی کێشەکانی بەردەم پێکهێنانی حکومەت و کاکارکردنەوەی پەرلەمانی کوردستان وەک باڵاترین دەسەڵاتی یاسادانان.
– بژێوی و گوزەرانی هاووڵاتیان: لە پێشینەی کارەکانمان، باشکردنی ژیان و گوزەرانی خەڵک و دابینکردنی مووچەی مووچەخۆرانە بەبێ دواکەوتن، کە ئەم رێککەوتنە دەتوانێت پاڵنەرێکی بەهێز بێت بۆ ئەو مەبەستە.
– ژێرخانی ئابووری و خزمەتگوزاری: کارکردن بۆ بوژانەوەی ژێرخانی ئابووری هەموو پارێزگاکان و گەیاندنی پڕۆژە خزمەتگوزارییەکان بۆ هەموو ناوچەکان بەبێ جیاوازی.
ئەوەشخراوەتەڕوو، “ئێمە لە پارتی سەوزی کوردستان، پێمان وایە تەنها بە یەکڕیزی و دیالۆگی نیشتمانی دەتوانین ڕووبەڕووی تەحەددییەکان ببینەوە و دواڕۆژێکی گەشتر بۆ هاوڵاتییانمان دابین بکەین”.
Post Comment