دیموکراسی کوردستان….تەنها لە مانگی ئاب دا
کۆژین بەهادین مەحموود
زۆرکات لێرە و لەوێ بەرپرسانی حکومەتە ئێکسپایەرەکەی مەسرور بارزانی لێیان دەبیستین دەڵێن ئەوروپا سەرسامن بە سیستەمی دیموکراسی هەرێمی کوردستان دەیانەوێت لێمانەوە فێر ببن کە چۆن توانیومانە ئەو دەستکەوتانە بەدەست بهێنین!
بەڵام ئەو ڕووداوانەی ئەم ١٠ ڕۆژەی ڕابردوو دەرخەری ئەوەبوو دیموکراسی لە لای یەکێتی و پارتی وەکو لاستیکە و بەدڵی خۆیان ڕایدەکێشن و دەیهێن و دەیکەن بە بەری خەڵکدا. ئەشێت تۆی خوێنەریش دەستگیر بکرێیت لەبەر ئەوەی دیموکراسییەکەی مەید ئین کوردستان زۆر جیاواز و خێراییە یەکسەر بۆ بەری دەبێت یاخود کێشەی کۆن بۆ دەهێننەوە بەر دەرگا.
سەرەتای ئەم ١٠ ڕۆژە شیروان شیروانی دووبارە و سێبارە لە دەرئەنجامی ڕق و کینەی شەخسی مەسروربارزانی , کابینە درێژکراوەی هاوشێوەی دیموکراسییەکەی ، شیروانی سزا دایەوە بە تاوانێکی هەڵبەستراو کە نە دادوەر ڕاستگۆ بڕوای پێی هەیە نە ئامادەبوانی دادگاییەکە بەڵام لەبەر ئەوەی دادوەر ئەڵقە لە گوێی حیزب و خیانەتکار لە سوێند و پەیمانی دونیا و قیامەتی کە دڵنیام ئەم دڵێڕەی قورئانی پیرۆزیش لەسەر سەریەوە هەڵواسراوە لە هۆڵی دادگا `وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ` کە حوکمەکەی داوە چەندید ساڵی تری بۆ نوێکردەوە منداڵەکانی بێ بەش کردەوە لە دیدی باوکیان، لەلایەکی تریش کابرایەکی دز وەکو شاسوار کە چەندین ساڵە دێت و دەچێت کەس ناڵێت بۆ وادەکەیت ، بە سیناریۆیەک و بە قودرەتی قادر مەلەفی کۆنی ٢٠١٩ بۆ هەڵدەداتەوە و دەستگیری دەکەن لەبەر ئەوەی کۆیلەی دەسەڵاتە و سیناریۆی دەسەڵاتە دزێک لەبەر چاوی ئەو خەڵکە کە زەهایمەرێتی دەیکەن بەپاڵەوانە و چەپڵە لێدان.
هەر بەوە ناوەستێت ٤ ساڵە لاهور شێخ جەنگی لەلایەن یەکێتی و خودی پاڤڵ تاڵەبانیەوە تۆمەتبار دەکرێت بەوەی شەهر خواردی کردووە و ئینقلابی کردووە و بکوژ و ببڕ و سەرانە وەرگرە ، کەچی ناگیرێت ئەویش سوبحانەڵا لە ٤ سەعاتدا هێزێکی بۆدەجوڵێن مەگەر لە ڕووبەڕووبنەوەی داعش بینیبێتمان وەکو ئەوەی شەڕی دوو دەوڵەت بێت، لە کۆتایدا کەسێک دەستگیری دەکات خۆی لە خۆیدا فەرمانی دەستگیرکردنی هەیە و ناوێرێت بچێتە ئەودیو سەیتەریەکەی سلێمانی بەڵام ڕووبەڕوونەوەکە بۆ میلەت ڕوونبۆوە ئەم حیزبانە لە گەورەوە بۆ بچووکیان هێزی مەدەنی نین هەموویان سەربازین و شانەی نوستویان هەیە و دڕۆن و قەناس و تانک و چەکی قورس دەجوڵێنن ئەگەر هەڕەشە بکەوێتە سەریان . ئەوەی لەهەمووی سەیرتر و شەرمەزارکەربوو هەموو ئەو هێزانەی برابوونە سەر لاهور شێخ جەنگی سەر بە یەکەکانی حکومەتن یان لە چوارچێوەی حکومەتی ماوە بەسەرچوودا کۆکراونتەوە بەڵام بە یەک جوڵەی سەرۆک حیزبێک پشتیان لە حکومەت کرد. لەکاتێکدا ئەوەی دەسەڵاتی جوڵەپێکردنی هێزی هەبێت ئەبێت سەرۆکی هەرێم بێت کە فەرماندەی هەموو هێزە چەکدارەکانە بەپێی ئەو یاساییەی کە بەس خۆیان تێی دەگەن کە ئەویش نێچیرە بەڵام چونکە کارتۆن و ماوەبەسەرچووە دەستی بە کڵاوەکەیەوە گرتووە نەوەکو بە دەردی لاهور بچێت لەلایەن مەسروری ئامۆزایەوە، هەر کەس نازانێت لەکوێش خەووتووە ، لەکۆتایشدا وەکو هەموو جارێک مەسرور و هەنگاوە سەقەتەکانی دەرکەوتنەوە لە ڕاگەیاندراوێکی لەرزۆکی کەم و کوڕدا خۆی بێ بەری دەکات لەو هێزەی جوڵێنراوە دەڵێت ئاگام لێی نەبووە ناحەقیشی ناگرم شتێک ئێکسپایەر بێت هیچ سوودێکی نابێت و هیچ پێناکرێت لە ماڵی خۆشیدا . ئەوەی ڕوویدا زلە لە گوێدانێک بوو لە حیزبەکانی تر ئەگەر کۆیلەم نەبیت گوێت دەبڕم وەکو لاهور لێ دەکەم.
ووتەیەک هەیە دەڵێت مێژوو خۆی دووبارە دەکاتەوە، بەواتایەکی تر خیانەت لە دوای خیانەت دێت و شەڕی براکوژی دووبارە و سێ بارە بۆتەوە لە هەرێمی کوردستاندا ، ئەوەی ڕوویدا هێنانی تانک و دەبابە پێشتر پارتی دیموکراتی کوردستان بەڕابەڕایەتی مەسعوود بارزانی لە ٣١ ئاب ١٩٩٦ ئاوی بۆ ڕشتووە بەعسی هێنا بۆ سەر پەرمانی کوردستان لەگەڵ ئەوەی ٢٢ ئابی ٢٠٢٥ تەنها ٩ ڕۆژی بەینە ئەگەرنا مەبەست و مەقسەدەکە یەک شتە شەڕی برا کوژییە.
داواکارم با دەست بەم دیموکراسیەوە بگرین کە مەید ئین کوردستانە هەناردەی نەکەین بەخوا ئاژاوە دەنێینەوە .
Post Comment