پارتی و یەکێتی دوو ڕەنگ لە هەمان خیانەت ٣١ی ئاب ساڵی ١٩٩٦ و ٢٢ی ئاب ٢٠٢٥
بەرهەم خالید حەمە
٢٩ ساڵ پێش ئێستا، ٣١ی ئابی ساڵی ١٩٩٦ بۆ مێژووی کوردستان بە ڕۆژێکی ڕەش ناسراوە، ڕۆژێک کە پارتی بۆ دەسەڵات و پاراستنی کۆنترۆڵی خۆی، هاوبەشی نەتەوەیی و هاوڕێی خۆی بە ڕژێمی بەعس فرۆشت.
هاوکات دوێنێ لە ٢٢ی ئابی ٢٠٢٥، لە سلێمانی جارێکی تر مێژووی خیانەتیان دوبارە کردەوە باڵام لە
لایەن یەکێتیەوە ئەو کاتەی هێرش کرایە سەر لاهور شێخ جەنگی لە لایەن باڤڵ تاڵەبانی ئامۆزایەوە ، لە لایەن هێزە میلیشیاکانی سەر بە یەکێتیەوە دەتوانین ناوی بنێین شەڕی ٢ ئامۆزا ، ئەم ڕوداوانە نەک تەنها قۆناغێکی نوێی تاوانی خۆفرۆشی حزبییە، بەڵکو نیشانەیەکە لەوەی ئەو ڕێگەیە هێشتا بەردەوامە.
ئەگەر پارتی لە ٣١ی ئابدا بەرگەی بە بەغدا گرت، ئێستا یەکێتی بەرگەی بە کێشەی خۆی دەگرێت و دەست دەکات بە هێرش بێ گوێدانە ئەوەی ئارامی و ئاسایشی هەرێم تێک دەچێت ترس و دڵەڕاوکێ دەخاتە ناو دڵی هەر تاکێکی کوردەوە، هەر لە ناو هەرێمی کوردستان هەرچۆنێک لەم ڕوداوانە بڕوانین، جگە لە بەرژەوەندی تاکە کەسی و تۆڵەکردنەوەی ٢ ئامۆزا لە یەکتر هیچ ئاڕاستەیەکیتری نیە ، هەمان هەڵەکان دوبارە دەکرێنەوە تەنها کات و شوێنەکە دەگۆڕێن.
ئەم ڕووداوانە نیشانی دەدات کە لە هەرێمی کوردستان هێشتا نە ئاسایش و ئارامی بەرقەرارە وە نە ئازادی کۆمەڵایەتی بەڕێوە دەچێت، بەڵکو حکمرانی پارتی و یەکێتی نەک بۆ پێشکەوتن و بەرەوپێشچوونی نەتەوە نیە ، بەڵکو بۆ دەست بەسەر کردنی خەڵک و سەرکوتکردنی هەرکەس و لایەنێکە کە بە ڕێگری بزانن بۆ پلانەکانیان.
پەیامی ئێمە ئەوەیە خەڵکی هەرێمی کوردستان تەواو دەبێت لەوە تێ بگەن پارتی و یەکێتی دەوڵەتداری ناکەن ، بەردەوام خیانەتە نیشتیمانیەکان دووبارە دەکەنەوە هەر جارە و لە ژێر ناوو فۆڕمێکی جیاوازدا.
لە کۆتاییدا… تا خەڵک هۆشیارتر و چاوکراوەتر بێت لە بەرامبەر هەقیقەتی سیاسەتی چەوتی پارتی و یەکێتی زیاتر ئومێدی گۆڕانکاری دەبێتە بژاردەیەک کە بە گەشبینیەوە لێی بڕوانین.
Post Comment