شەهیدانی رێگای ئازادی و قەڵەم براو و خاکی منن

دڵدار لوقمان

بەداخەوە هەرکاتێک ئەستێرەیەک لە وڵاتی من دا دەر بکەوێت دژی دەسەڵاتی بنەماڵەو سەر کوت کردنی میلەت بێت ئەبێت بکوژرێت وەکوو ئەو شەهیدانە سۆران مامە حەمە کاوە گەرمیانی سەردەشت عوسمان ویداد حوسێن مامۆستای ئاینی هۆشیار مامۆستا جیهان

خوشکە گەورەکەمیان سوتاند لە بلەوبارزان چونکە ویستی نوێنەرایەتی مامۆستایان بکات و دوای دەرکەوتنی لە کەناڵی ڕووداو بەماوەیەکی کەم لە ڕەخنەکانی ، سەیارەکەیان لە بلەوبارزان وەرگەڕاندو سوتاندیان کە خودی خۆی دانیشتووی هەولێر بوو یەک کەس لە بلەوبارزان ناناسێت ، سوێند ئەخۆم مامۆستا جیهان لەناو هەولێریش زۆرشوێن هەبوو بۆی نەدەچوو وە شارەزای زۆر گەڕەکی هەولێریش نەبوو
داخی گرانم جگە لە دەسەڵاتی نامەرد کە بێدەنگەو خۆی یەکلایی ناکاتەوە لەسەر رووداوەکە تەنانەت ناوێرێ بڵێ کۆمەڵایەتیشە چونکە سەدان پرسیاری وەڵام نەدراوە بەجێ دەمێنێت بۆیە خۆیان گێل دەکەن و بێدەنگییان هەڵبژاردووە کەناڵەکانیش خۆیان لەم رووداوە گێل کردووە سوێند ئەخۆم هەتا من لە ژیان مابم ناهێڵم تیرۆری خوشکەکەم بەلاڕێدا ببرێت و بزرببێت ئەبێ ئەم دەسەڵاتە ڕیسوا بکەم لەسەر ئەو نامەردیەی کردیان بەرامبەر بە مامۆستا جیهان هەموو هەوڵێکیش ئەدەم دادپەروەری بۆ بەدیبێنم جا گەر ئەمڕۆبێت یان سەدساڵی تریش بێت.
بۆیە ئەلێم خوشکەکەم تۆ ئێستا هەزاران برا و خوشکی هەیە هاو زمانتن هاوراتن بۆیە تۆ بە نەمری ئەمێنێتەوە و تیرۆری تۆ بوە بە خەتێکی زۆر گەورە لەسەر دیواری ئومێدو بەگژداچونەوەی دەسەڵاتدان نوسراوە