سلێمانی لە نێوان بەرداشی سەرانی یەکێتیدا

عەتا عەبدوڵا

سوتاندنی جەرگی دایک بە سپۆنسەری بنەماڵەی تاڵەبانی

گەر ئێمە لە سەرەتاوە پێمان وا بوبێت کە کوردستان وەک گۆشتی نەرمە بەدەست ئەم قاچاخچی و ئەو مافیایانەوە بووە هەمیشە ڕاستمان کردووە، لە ساڵی 2025دا دەبینین سلێمانی پایتەختی ڕۆشنبیری دەکرێت بە فەلوجە.
دەیەیەکە هاوار دەکەین دەڵێین ئێمە تیرۆریست بە شەق ژیانمان پێدەکەن!
سلێمانی هەر دەبوو خەڵتانی خوێن بێت و لەناو گڕی فیشەک و هاوەندا بدەروشێتەوە.
شتێکی چاوەڕوان نەکراو نییە، ئێمە پێشبینیمان کردبوو، کارێک بوو هەر دەبوو ببێت، کاتێک دەسەڵاتێکی فاشیست مانشێتی دیموکراسی بوون بەرز دەکاتەوە.
ئێمە تا ئەو جێگایە ئازادین کە دەست بۆخۆیان ڕاناکێشین، لە دوای ئەوە سەرمان دەکەن بە تورەکەدا و لە چۆڵەوانیەکدا بە پارچە پارچەکراوی دەدۆزرێینەوە.
سەرانی یەکێتی و حیزبی بەعس تەنها شتێکیان جیاوازە ئەوەیە ئەمان بە کوردی دەمان کوژن.
ڕوداوەکەی لالەزار سەلمێنەری هاوارە نەبیستراوەکانی خەڵکی سیڤیلە!
گەر بینای بەرز و هۆتێلی ڕازاوە و کۆشکی ڕەنگا و ڕەنگ ئاماژەبێت بۆ شارستانی بوون ئەوەتا لە ٣ کاتژمێردا بۆت دێننە خوارەوە بەبێ ئەوەی کەسێک بلۆکێک دەربێنێت لێی، بە چەک و درۆنی ئەمریکی!
براکانمان کاکیلەی یەکتر هەڵدەدڕن لەسەر ئەمری ئەم گرووپە مافیایەی ناوی دەسەڵاتی کوردیە!
دایکەکانیشمان باوەش بە وێنە سارد و سڕەکانماندا دەکەن