“دەسەڵاتێکی بێ خەڵک، دەسەڵاتێکی خۆسەپێنی دیکتاتۆری”یەکێک لە ڕۆژەکانی نیشتیمانی من
شاهۆز سدیق
من وەکو گەنجێکی شارە حەیاتەکە زۆر بەداخەوەم کە ئەم دیمەن و هەواڵانە دەبینم بۆ شارێک کە بە شاری ڕۆشنبیری ناسراوە، وە لە مێژوودا شتی وا چەتەگەری و میلیشیایی ڕووینەداوە تیایدا.
بەرە بەیانی ئەمڕۆ دوای شەڕێکی ٣ بۆ ٤ کاتژمێری، لاهوری شێخ جەنگی سەرۆکی حیزبی بەرەی گەل و هەر یەک لە براکانی (پۆڵاد و ئاسۆ) لەلایەن میلیشیاکانی بافڵەوە دەستگیرکراون، ژن و منداڵەکانیشی بەرەو شوێنێکی نادیار براون، بەداخەوە جارێکی تر «برا» دەستی سور بوو بەخوێنی براکەی، وە بەداخەوە ٣ کەس لەم ڕووبەڕوونەوەیەدا کوژران، نەفرەت لەپۆست و پلەو پایە، داواکارم چی دیکە کوڕی خەڵکی هەژار بە کوشت نەدەن و ئومێدەوارم هاولاتیان پارێزراو بن.
بەرە بەیانی ئەمڕۆ میلشیا چەکدارەکانی یەکێتی بە فەرمانی بافڵ تاڵەبانی و قوباد تاڵەبانی و وەهاب هەڵەبجەیی دوور لە یاسا و بە چەکی قورس و تانک و زرێپۆش هەڵیان کووتایە سەر «لالەزار» شوێنی مانەوەی لاهور شێخ جەنگی، هەروەها زیانێکی زۆری گیانی و ماددی بەسەر ئەو خانووانەدا هاتووە کە نزیک بوون لە ڕوداوەکەوە، کە ئەمە ئەو پەڕی کارێکی مافیاییە و دوورە لە بەها مرۆڤییەکان.
نووسینی / شاهۆز سدیق
لە کوێیە ئەو ووتافەی کە بافڵ و قوباد دەیانووتەوە لە بانگەشەی هەڵبژاردنەکان «ئازادی و ئاسایش و ئارامی و هەلی کار»؟
ئەوەتا ئەمڕۆ لە جیاتی ئەوە لولەی دەبابە و فیشەک دەباری بەسەر شارە جوانەکەماندا، ئەوەی شایەنی نیگەرانی زیاترە کە لە دوای ئەم کردارەوە خەڵک زیاتر دەترسن و زیاتر ئازادیەکان بەرتەسکتر دەکرێنەوە، دەستی میلیشیا و چەکدارەکانی حیزب زۆر زیاتر دەبێت، وە هەڵکوتانە سەر خەڵکی و دەستگیرکردنی خەڵکانی ناڕازی زیاتر دەبێت، ئەگەر ئەوان دەڵێن لاهور بە تۆمەتێک دەستگیرکراوە و داواکراوە لە لایەن دادگا و یاساوە، ئاوا پێویست بوو دادگاکان و هێزە ئەمنییە نیشتیمانییەکان بەم کارە هەڵبستن و دەستگیری بکەن نەک هێزی میلیشیای حیزبی، وە دڵنییایەوە دوای لاهور یەک یەک سەرەی هێزە ئۆپۆزسیۆنەکانی دیکەش دێت و تۆمەتێکی درۆی یاساییان بۆ دروست دەکرێت و ئەوانیش دەسگیر دەکرێن و هیچ کەسێک پارێزراو نابێت لەدەست میلیشیای چەکداری.
Post Comment