بەس نەبوو کەرکوکیی بوو!
ی کچە خوێندکارێکی کەرکوکیی چەند ڕۆژێکە هەرایەکی بێتام و ناماقووڵی ناوەتەوەو باش و خراپی هێناوەتە قسە، مرۆڤی خاوەن پەروەردەو دوور لە ئەدەبی بەقسە هێناوە، هیچکات بێڕێزیکردن و تانەو قسەی نەشیاو بە مامۆستاو پەروەردەکار شیاونییەو هیچ یاسایەک ئەمەی پێ قبووڵ نییە، بەڵام تەمەنێک کە هێشتا پێویستی بە ڕێنمایی و پەروەردەکردن و ئاراستەکردن هەیە گونجاو نییە لۆمەی بکرێت و، هێرشی ناڕەوای بەرامبەر بکرێتە سەرو سووکایەتیی بە کەرامەت و شکۆی بکرێت
ئەکرێ ڕێنمایی بکرێت و خراپیی ئەو جۆرە ڕەفتارکردنەی بۆ ڕوونبکرێتەوەو بە زانستی و مەنتقیی تێبگەیەندرێ لە کاردانەوەی ئەو جۆرە ڕەفتارکردنە، نەک هێندەی لەسەر گەورەکەن و بیگەیەننە ئاستێک هاوشێوەی تەمەنێک لۆمە بکرێت و داوابکرێت هەرچی سزای یاساییە بەسەریدا بسەپێندرێت، هۆشیاریی بە سزادانی مناڵێک کە هێشتا نازانێک باش و خراپی خۆی چییە، بەدەستنایەت.
چەندین تاوان و کارەسات هەن لە کۆمەڵگا کە کاری تەمەنە گەورەو مرۆڤە ملهوڕو چەپەڵەکانەو کۆمەڵگایەن کردووەتە مەسخەر، ئەمە شیاوی لێکۆڵێنەوەو بەدواداچوون و لۆمەکردنە نەک ی کچە خوێندکارێک کە تەنیا بەرائەت و نییەتپاکییەکی لێ هەڵەهێنجرێ نەک ڕق و کینەو بێڕەوشتیی.
ئەرکی پەروەردە پەروەردەکردن و ئاراستەکردنی تاکە نەک سزادان و شکاندن
لە بوونی بابەتێکی لەو جۆرەوە پەروەردەو چۆنییەتی مامەڵەکردنی کۆمەڵگات بۆ وەدەردەکەوێ لەوەی، تا چ ڕادەیەک کۆمەڵگاکەت هۆشیارە بەرامبەر بە پرس و بابەتەکان و، دەرستنی عەقڵییەتی تاکەکان لە ڕووانین و هەڵسەنگاندن لە باشیی و خراپیی بابەتەکە
بەداخەوە لەم حاڵەتەوە دەرکەوت لەڕووی هۆشیاریی تەندروستیی و هەڵسەنگاندنی دروست و ڕووانین لە بابەتەکان و ڕەوشتی قسەکردن و ڕەخنەگرتنی دروستەوە زۆر هەژارین و، بۆ بەدەسخستنی هەریەک لەو چەمکە مرۆییانە پێویستمان بە شۆڕش هەیە.
پێویستبوو پەروەردەی هەرێم بەجۆرێکی تر دڵسۆزیی خۆی بۆ مامۆستایان و کەرتی پەروەردە دەربڕیایە، نەک لەنێو هەموو ئاڵۆزییەکان کە دەروونی هەمووی ورووژاندووە تەنیا سووچێک ببینی بۆ کۆکردنەوەی کە ئەویش شایەنی باس نەبێ.
Post Comment