ڕێکخراوى داکۆک لە بەریتانیا دژى پڕۆژە یاسایی حەشدى شەعبى خۆپیشاندانیان ئەنجامدا

خۆپیشاندانەکە لە لایەن ڕێکخراوى داکۆک ئەنجامجرابوو کە تێیدا ژمارەیەکى بەرچاو لە لە چالاکوانان و ڕۆژنامەنووسانى ڕەوەندى کوردى بەشداریان کردبوو.

ڕەوەندى کوردى لە هەریەکە لە شارەکانى مانچستەر و لەندەن خۆپیشاندانێکى گەورەیان ئەنجامدا بۆ ڕەتکردنەوەى پڕۆژە یاسایى فراوانکردنى دەسەڵاتەکانى حەشدى شەعبى لە تەواوى عێراقدا.

بە تێکڕا هاواریان دەکرد و تەئکیدیان لەوە دەکردەوە کە بە هەمووشێوەیەک ئەو پڕۆژە یاساییە ڕەت دەکەنەوە لەبەر ەئوەى دەبێتە هۆى نائارامى و کێشەى سیاسایى و مەزهەبى لە داهاتوودا بۆ تەواووى پێکهاتەکانى عێراق.

جێگەى باسە لە ڕۆژى ٢٣/٧/٢٠٢٥ پەرلەمانى عێراق خوێندنەوەى بۆ ئەو بڕیارە کرد و بەڵام کێشە و ناکۆییەکانى نێوان پێکهێنەرى نیسبەى نیسابى یاساى و نەبوونى کۆدەنگى هەریەکە لە حیزبە کوردییەکان و سوونەکان کۆبوونەوەکە هیچ ئەندامێکى نەبوو.

بەپێى بۆچوونى چاودێران سیاسى ئەوەى جێگەى مەترسیى ئەم پڕۆژە یاساییە کە دەسڵاتى بآ سنوور دەدات بە حەشدى شەعبى لە عێراقدا و دەبێتە هۆى دروستبوونى دەوڵەتێک لە نێو دەوڵەتێکى تردا لەبەر ەئوەى تەواوو سەربەخۆ دەبن و هیچ پەیوەستبوونێکیان بە ئەندومەنى وەزیران و کابینەى حکومییەوە نیە , ئەمەش لە کاتێکدایە بەشێک زۆر لەو کەتیبە و گروپانەى نێو حەشدى شەعبى بە تیرۆریست لە قەڵەمدراون لەلایەن ئەمریکا و هاوپەیمانەکانییەوە.

کۆى باس لە نێو خۆپیشاندانەکەدا ڕووماڵى چالاکیەکەى کرد و لە نزیکەوە لێدوانى لە چەند بەشداربوویەکى چالاکییەکە وەرگرت

لێدوانى تایبەت

ڕووماڵى خۆپیشاندانەکە