یهكهم كۆبوونهوهی بهرهی گهل دوای دهستگیركردنی لاهور شێخ جهنگی بهڕێوهچوو
یهكهم كۆبوونهوهی بهرهی گهل له ههولێر دوای دهستگیركردنی لاهور شێخ جهنگی بهڕێوهچوو، سهركردهیهكی ئهو حزبهش دهڵێت: “بهرهی گهل بهردهوام دهبێت”.
شادمان مهلا حهسهن یهكێك له سهركردهكانی بهرهی گهل له راگهیهندراوێكدا ئاماژهی بهوهدا كه “ئهمڕۆ شهممه (2025/8/23) له بارهگای بهرهی گهل له شاری ههولێر، تاوانه لهیاسا بهدهرو قێزهونهكهی ڕۆژی 22ی مانگ تهوهری سهرهكی ژمارهیهكی زۆری هاوههڵوێستانی بهرهی گهل بوو”.
ئهو سهركردهیهی بهرهی گهل دهڵێت: “ههموومان بهیهكهوه بهڵێنی بهردهوامیمان دا، بهرهی گهل له پڕۆسهی سیاسی بهردهوام دهبێت و ناوهستێ”.
ئاماژهشی بهوهدا كه هاوكات “جهخت له وهكرایهوه كه گیانی ههڤاڵی خۆشهویستمان كاك شێخ لاهور و تهواوی ههڤاڵهكانی لهئهستۆی سهرۆكی خۆسهپێن و لهیاسا دهرچووی یهكێتیی نوێیه”.
ئهوهشی خستهڕوو كه “لهدواجار بڕیار له دانانی چهند لیژنهیهك درا له ڕووی یاسایی و پهیوهندیهكان و میدیا، بۆئهوهی ههموو رێگا راستهكان بگرینه بهر بۆ ریسواكردنی ئهو تاوانه قێزهونهی كه بهرامبهر ههڤاڵانمان له لالهزاری شاری سلێمانی ئهنجام درا”.
شادمان مهلا حهسهن راشیگهیاند كه “ههر لێرهوهش بۆ ڕای گشتی و ههموو هاوههلوێستانمان ڕادهگهێنین بهردهوام دهبین كۆل نادهین”.
Post Comment