کاوە گەرمیانی – یادێک کە ساڵ بەساڵ قوڵتر دەبێت

دوانزە ساڵ تێدەپەڕێت بەسەر ئەو ڕۆژە تاریکەی پێنجی کانونی یەکەمی ٢٠١٣، کاتێک دەنگی گوللەکان بیروبۆچونی ئازاد بێدەنگ کردەوە. لە بەردەم ماڵەکەی خۆیدا لە شاری کەلار، کاوە گەرمیانی، ڕۆژنامەنووسی بوێر و سەرنووسەری گۆڤاری ڕایەڵ، بە دەستڕێژی گوللە شههید كرد. ئەو تەنها سی و دوو ساڵ تەمەن بوو، بەڵام دەنگی بۆ هەمیشە ماوەتەوە. ڕێكخراوی داكۆك له وڵاتی بهریتانیا ههستا به ئهنجامدانی چالاكیهك بۆ یادكردنهوهی كاوه گهرمیانی.

وێنەكانی شاری بێرمینگهام

رووماڵی چالاكیەكه و لێدوانی بەشداربوان

کاوە محەممەد ئەحمەد، کە بە ناوی کاوە گەرمیانی ناسرابوو، لە ساڵی ١٩٨١دا لە دایکبووبوو. لە تەمەنی شەش ساڵیەوە، دوای کۆچی دوایی باوکی بە رووداوێکی هاتوچۆ، دایکی بووە تەنها پەروەردەکار و بەخێوکەری ئەو و براکان و خوشکەکانی. سێ کوڕ و سێ کچی خێزانەکە لە ژێر چاودێری دایکێکی بەهێز گەورە بوون کە تەنها بە هێزی خۆی بارودۆخی خێزانەکەی رێکخست.

وێنەكانی شاری مانچستهر

ژیانی کاوە گەرمیانی نموونەیەک بوو لە خەبات بۆ عەدالەتی کۆمەڵایەتی و ئازادی ڕاگەیاندن. ئەو لە ژیانی کاریدا بۆ گۆڤاری گەڕان و دواتر بۆ گۆڤاری ڕایەڵ کاری کردووە. هەروەها کاری بۆ ڕۆژنامەی ئاوێنە ئەنجامداوە. نووسینەکانی زیاتر باس لە گەندەڵی و بەرتیلوەرگرتن دەکرد، ئەو بابەتانەی کە دەیانکردە مەترسی گەورە لەسەر بەرپرسانی گەندەڵ.

وێنەكانی شاری لیدز

بۆیە هەڕەشەکان دەستیان پێکرد. چەند ڕۆژ پێش تیرۆرکردنی، کاوە لە کۆبوونەوەیەکدا بەشداری کردبوو لە سلێمانی کە تێیدا ڕۆژنامەنووسان و چالاکانی مەدەنی داوای پەسەندکردنی یاسایەکیان کردبوو بۆ گەرەنتیکردنی مافی ئازادی و ئاسایشی ڕاگەیاندنەکان. بەڵام ٤٨ کاتژمێر دواتر، کاوە لە ئامادەبوونی هاوسەرەکەی شیرین و منداڵە بچووکەکەی ئامەد، شەهید کرا.

رووماڵی چالاكیەكه له شاری لیدز

دوانزە ساڵ دواتر، برینەکە هێشتا قوڵترە. شیرین ئەمین، کە ئێستا وەکو پەرلەمانتارێکی کوردستان لەسەر لیستی بزووتنەوەی گۆڕان کار دەکات، بەردەوام داوای دادپەروەری ڕاستەقینە دەکات. منداڵەکەیان ئامەد، کە ئێستا تەمەنی نزیکەی پازدە ساڵە، بەبێ باوک گەورە بووە، بەڵام میراتی کاوە لە دڵیدا زیندووە.

وێنەكانی شاری لەندهن

دادگا توانا حسێن (توانا خەلیفە)ی وەک تاوانبار دیاری کردووە و سزای لەسێدارەدانی بۆ دەرکردووە کە دواتر کەمکرایەوە بۆ بەندکردنی تاهەتایی. بەڵام بنەماڵەی کاوە و ژمارەیەکی زۆر لە ڕۆژنامەنووسان و چالاکانی مەدەنی دڵنیان نییە کە تاوانبارە ڕاستەقینەکان سزادراون. هێشتا پرسیار دەمێنێتەوە: کێ لە پشت ئەم تیرۆرەوە بو

وێنەی چالاكیهكه له شاری گلاسگۆ

ڕێکخراوی ڕۆژنامەنووسانی بێسنوور ئاماژەی بە هەڕەشەکانی پێشووی کاوە کردووە و سەرپێچی لە بەرپرسیاری حکومەت بۆ پاراستنی ڕۆژنامەنووسان دەکات. تیرۆری کاوە گەرمیانی نیشانەیەکە لە شکستی دەسەڵات لە دابینکردنی ئاسایشی کەسانێک کە تەنها ئەرکیان دەبینن: گێڕانەوەی ڕاستی.

وێنەی چالاكیەكه له شاری كاردیف

یادی کاوە گەرمیانی تەنها یادی قوربانیەکی گەندەڵی نییە، بەڵکو سمبولێکە بۆ خەباتی بەردەوام بۆ ئازادی ڕاگەیاندن لە کوردستان. ساڵ بەساڵ، لە پێنجی کانونی یەکەمدا، یەکان یادی ئەو ڕۆژنامەنووسە بوێرە دەکەنەوە کە گیانی بەختکرد بۆ ئەوەی ڕاستی بڵێت.

وێنهی چالاكیهكه له شاری نیوكاسڵ