کۆبوونەوەی ئەمڕۆی پارتی و یەکێتی: دووبارەی هەمان درۆ و دواخستنی بێکۆتایی!
سامان ئیسماعیل
ئەمڕۆ، ١١/٠٢/٢٠٢٦، پارتی دیموکراتی کوردستان و یەکێتی نیشتمانی کوردستان جارێکی دیکە کۆبوونەوە بۆ دانوستان لەسەر دامەزراندنی حکومەتی دەیەمی هەرێم و کردنەوەی پەرلەمان ! بەڵام وەک هەموو کۆبوونەوەکانی پێشوو، ئەمڕۆیش بێ ئەنجام تەواو بوو و هیچ ڕێککەوتنێک حاصڵ نەبوو! یەکێتی ڕایگەیاند کە “هیچ ڕێککەوتنێک لەگەڵ پارتیدا لەسەر سەرۆکایەتی نییە” ! ئەمە واتای ئەوە کە دوای زیاتر لە ١٥ مانگ لە هەڵبژاردنەکانی تشرینی یەکەمی ٢٠٢٤، هێشتا ئەم دوو حزبە ناتوانن لەسەر دابەشکردنی پۆستەکان ڕێک بکەونەوە، لە کاتێکدا خەڵک چاوەڕوانی حکومەت و خزمەتگوزاریە!
لە ٢٠ی تشرینی یەکەمی ٢٠٢٤ەوە تاکو ئێستا، پارتی و یەکێتی دەیان کۆبوونەوەیان هەبووە! کۆبوونەوە لە هەولێر، کۆبوونەوە لە سلێمانی، کۆبوونەوە لە پیرمامدا، کۆبوونەوە لە دووکان ! هەموو جارێکیش بەڵێن دراوە کە “دانوستانەکان لە قۆناغی کۆتاییدان” و “زۆر نزیکین لە گەیشتنە ڕێککەوتن” ! بەڵام هەموو ئەم بەڵێنانە درۆ بوون! هەموو جارێک کۆبوونەوەکە تەواو دەبێت بە “ڕاگەیاندراوێکی هاوبەش” کە دەڵێت “دانوستانەکان بە شێوەیەکی ئەرێنی تەواو بوون و بەردەوام دەبین
ئایا ئەمە جدییە؟ ١٥ مانگ دانوستان بۆ دابەشکردنی پۆستەکان و هێشتا ڕێککەوتن نییە؟ لە هەموو وڵاتانی جیهاندا، دوای هەڵبژاردنەکان لە ماوەی چەند هەفتەیەکدا حکومەت دامەزردێت! بەڵام لە کوردستاندا، ١٫ مانگ دانوستان و هێشتا حکومەت نییە! ئەمە نیشانی چییە؟ نیشانی ئەوە کە سەرکردایەتی پارتی و یەکێتی هیچیان بیریان لە خەڵک ناکاتەوە، تەنها سەرقاڵی مشتومڕن لەسەر کێ چ پۆستێک وەردەگرێت!
بەپێی هەواڵەکان، ناکۆکی لەنێوان پارتی و یەکێتیدا لەسەر چەند بابەتێکە: سەرۆکایەتی عێراق، سەرۆکایەتی پەرلەمانی کوردستان، سەرۆک وەزیرانی کوردستان، و دابەشکردنی وەزارەتە یەکان ! پارتی دەیەوێت هەموو پۆستە یەکان کۆنترۆڵ بکات چونکە دەنگی زیاتری هەیە. یەکێتی دەڵێت “ئێمەش مافمان هەیە پشکێکی گونجاومان هەبێت و ناتوانن هەموو شتێک بۆ پارتی بێت
ئەم مشتومڕە نیشانی ئەوە دەدات کە بۆ پارتی و یەکێتی سیاسەت واتای پۆست و کورسی و دەسەڵاتە، نەک خزمەتکردنی خەڵک! لە هەموو ئەم ١٫ مانگەدا، کەسیان بیری لەوە نەکردووەتەوە کە فەرمانبەران مووچەیان نییە، خەڵک لە قەیراندایە، خزمەتگوزاریەکان لاوازن، پڕۆژەکان وەستاون! تەنها سەرقاڵی ئەوە بوون کە کێ دەبێتە سەرۆک و کام حزب کام وەزارەت وەردەگرێت!
لە کۆبوونەوەی ئەمڕۆیشدا، هیچ باسێک لە کێشەکانی خەڵک نەکراوە! تەنها باس لە دابەشکردنی پۆستەکان کراوە! ئایا ئەمە خزمەتکردنی خەڵکە؟ نەخێر! ئەمە شکستە، ئەمە بێبەرپرسیارێتییە، ئەمە خیانەتە بە دەنگی خەڵکێک کە ئومێدیان بە گۆڕانکاری هەبوو!
کۆبوونەوەی ئەمڕۆی پارتی و یەکێتی جارێکی دیکە نیشانی دا کە ئەم دوو حزبە شایستەی دەسەڵات نین! ١٫ مانگ دانوستان و هیچ ئەنجامێک، تەنها بەڵێنی درۆ و دواخستنی بێکۆتایی! لە کاتێکدا خەڵک لە قەیراندایە و چاوەڕوانی حکومەتێکە کە بتوانێت کێشەکانیان حاڵ بکات، پارتی و یەکێتی سەرقاڵی شەڕن لەسەر پۆستەکان!
کاتی ئەوە هاتووە کە خەڵک بڵێت بەسە! بەسە بە دانوستانی بێئەنجام، بەسە بە بەڵێنی درۆ، بەسە بە کورسی بازی! یان دەستبەجێ حکومەت دابمەزرێنن و پەرلەمان بکرێتەوە، یان ڕێگا بدەن بە هەڵبژاردنێکی نوێ کە تێیدا خەڵک بتوانن سەرکردایەتییەکی نوێ و بەرپرسیار هەڵبژێرن! چونکە سەرکردایەتییەک کە ناتوانێت لە ١٫ مانگدا حکومەت دابمەزرێنێت، شایستەی دەسەڵات نییە!
Post Comment