25 كۆچبەر لە لیبیاوە گەڕێندرانەوە بۆ هەولێر
-
ئەحمەد سەحاف، هەڵسوڕێنەری کاروباری باڵیۆزخانەی عێراق لە تەرابلوسی پایتەختی لیبیا رایدەگەیەنێت، 25 كۆچبەریان گەڕاندووەتەوە بۆ شاری هەولێر كە بەشێوەیەكی نایاسایی چووبوونە نێو خاکی لیبیاوە.
وەزارەتی دەرەوەی عێراق لە راگەیەندراوێكدا بڵاویكردەوە، هەوڵەکانی باڵیۆزخانەکە لەسەر راسپاردەی فوئاد حوسێن، جێگری سەرۆک وەزیران و وەزیری دەرەوەی عێراق بووە لە چوارچێوەی پڕۆگرامی گەڕانەوەی ئارەزوومەندانە کە باڵیۆزخانەکە بەردەوام کار بۆ سەرخستنی دەکات.
ئاماژەشی كردووە، لە كاتی كردنەوە باڵیۆزخانەی عێراق لە تەرابلوس تاوەکو ئێستا نزیکەی 150 کۆچبەریان گەڕاندووەتەوە و خواردن و دەرمانیان بۆ کۆچبەرەکان دابینکردووە و رێگەیان دراوە بەشێوەیەکی بەردەوام بە کەسوکاریان بکەن.
باسی لەوەشكردووە، هەوڵەکانی باڵیۆزخانەکە چڕکراونەتەوە بۆ گەڕاندنەوەی 12 کۆچبەری دیکە کە لەئێستادا لە پارێزگای میسراتەن، کە نزیکەی 250 کیلۆمەتر لە تەرابلوسەوە دوورە و تیمێکی کونسوڵگەریییان رەوانە کردووە بۆ سەردانیکردنیان بە مەبەستی تەواوکردنی رێکارەکانی گەڕانەوەی ئارەزوومەندانەیان.
Post Comment