کوشتنی ڕۆژنامەنوسان هەڕەشەیەک بۆ سەر ئازادی ڕادەربڕین

ڕابەر ڕەسوڵ عبدللە

کوشتنی چالاکوانان و ڕۆژنامەنووسان و زۆر دوبارە بونەوی ئەم حالەتە لە هەرێمی کوردستان و عێراق بەردەوامە .لە ڕابردوودا چەندین حالەتی کوشتن و تیرۆرکردن و هەرەشە بەرامبەر ڕۆژنامەنووسان و چالاکوانانی مافەکانی مرۆڤ ڕوویداوە وەتاکو ئێستاش بەردەوامە،

وەکو چالاکوانێک دلنیام هەر بەردەوام دەبێت،

هۆکاری کوشتنیان پەیوەندیدارە بەو ڕاپۆرت و کنەو پشکنینانەی کە لە هەمو پلاتفۆڕمەکانی سۆشیاڵ میدیا باسیان لە ڕوداوە سیاسی و گەندەڵی و ناعەدالەتی وە داکۆکی کردن لە مافی مرۆڤ و کێشە کۆمەڵایەتیەکان بوە .

ئازادی تا ئەو کاتە بوونی هەیە کە خزمەت بە بەرژەوەندیەکانی بەرپرسان بکەیت نەک داکۆکی کردن لە مافەکانی مرۆڤ و ئاشکرا کردنی گەندەڵیەکان، کە لەم ئازادیە سنوردارکراوە لابدەیت یان بەنهێنی یان لەبەرچاوی کامێراکان تیرۆر دەکرێیت کە ڕۆژانە دەیبینین وە دلنیام زۆر جاری تریش دوبارە دەبێتەوە ،

بۆیە ئەم کێشانە پێویستی بە چارەسەری ڕیشەی هەیە وە دەبێت ئێمە بەردەوامبین بۆ ئەوەی دەنگی خۆمان و کۆمەلگا بگەیەنین بە حکومەتەکان و ڕێکخراوە نێو دەولەتیەکان بۆ ئەوەی هەوڵی زیاتر بدەن بۆ پاراستنی ئازادیی ڕادەربڕین و مافەکانی مرۆڤ لە هەرێمی کوردستان و عێراق

بەڕاستی ئەمە کارەساتێکی گەورەیە دژ بە ئازادی ڕادەربڕین ،هەروەها پێویستە کۆمەڵگا و میدیاکانیش بەشداری چالاکانە بکەن لە ڕوونکردنەوەی ئەم ڕووداوە کە هەر دوبارە دەبێتەوە وە دەستنیشانکردنی ئەو کەسانەی کە بەرپرسیارن لەم کارە نادادپەروەرانە وە روبەروکردنەوەیان بە دادگا .

لە کۆتاییدا، پاراستنی (ڕۆژنامەنووسان و چالاکوانانی مافی مرۆڤ ) یەکێکە لە بنەماکانی دیموکراسی و یاسای ئازادی ڕادەربڕین وە مافەکانی مرۆڤ، دەبێت هەموومان بەشداری چالاک بکەین لە پێکهێنانی بارودۆخێکی هێمن و سەلامەت بۆ ئەوانەی کە دەیانەوێت دەنگی خۆیان بەرز بکەنەوە بۆ دادپەروەری و یەکسانی ئازادی .