ژمارهیهك رۆژنامهنووس و چالاكوان: ئهم ترس و تۆقاندنه ڕابگرن
ژمارهیهك نووسهر، رۆژنامهنووس، مافناس، چالاكوان و مامۆستای زانكۆ هۆشداری دهدهن لهوهی “كوردستان بهرهو تونێلێكی تاریك دهبرێت”، دهشڵێن: “ناكرێت هیچ ناكۆكیهك له ناو جهرگهی شاردا به چهك یهكلایی بكرێتهوه”.
ژمارهیهك نووسهر، رۆژنامهنووس، چالاكوان و مامۆستای زانكۆ راگهیهندراوێكیان سهبارهت به رووداوهكانی چهند رۆژی رابردوو بڵاوكردهوه و تیایدا هاتووه:
*روداوی هۆتێل لالهزار و هێنانی تانك و زریپۆش و چهكی قورس بۆ ناو شار بۆ یهكلاكردنهوهی كێشهی سیاسی نێوان دوو هێز و، ڕوداو گهلی پێشتر پێمان دهڵێن؛ لهم وڵاته هێشتا چهك سهرداری گشته.
*به سهربازگهكردنی شار، شكۆ شكاندنی دهسهڵاتی دادوهری و دادگا له دۆسیهی شێروان شێروانیهوه تا ههوڵدان بۆ قڕ و قهپپێكردنی دهنگانی ناڕازی، پێمان دهڵێن كوردستان بهرهو تونێلێكی تاریك دهبرێت.
*ناكرێت هیچ ناكۆكیهك له ناو جهرگهی شاردا به چهك یهكلایبكرێتهوه.
*ناكرێت دۆسیهی یاسایی به بڕیاری حزبی و هێزی چهكدار یهكلایی بكرێتهوه.
*ناكرێت بێ هیچ پاساوێك كهناڵی میدیایی دابخرێت.
*ناكرێت ئهو چهك و چۆڵهی هاوپهیمانان بۆ شهڕی داعش داویانه به به یهكێتی و پارتی و حكومهت ، له شهڕی خۆ به خۆدا به كار بهێنرێت.
*نهخێر بۆ ترس و تۆقاندن.
ئهمهش دهقی راگهیهندراوهكهیه:
ئەم ترس و تۆقاندنە ڕابگرن
ڕوداوی هۆتێل لالهزار و هێنانی تانك و زریپۆش و چهكی قورس بۆ ناو شار بۆ یهكلاكردنهوهی كێشهی سیاسی نێوان دوو هێز و، ڕوداو گهلی پێشتر پێمان دهڵێن؛ لهم وڵاته هێشتا چهك سهرداری گشته و ئاوهز و بیركردنهوهی ئاوهزیانه بۆ چارهسهری كێشه بوونی نییه، به سهربازگهكردنی شار ، شكۆ شكاندنی دهسهڵاتی دادوهری و دادگا له دۆسیهی شێروان شێروانیهوه تا داننان به دهستوهردانی سیاسی، ههوڵدان بۆ قڕ و قهپ پێكردنی دهنگانی ناڕازی، بێبایهخكردنی ئازادی، ههموو ئهمانه پێمان دهڵێن كوردستان بهرهو تونێلێكی تاریك دهبرێت.
لهم كوردستانه ساڵانی ههشتا یهك زانكۆ ههبووك ههمیشه دهنگی ناڕهزایهتی بهرز و بهعس زیڕهی كردبوو له دهستی، بۆیه دهیگوازتهوه و بهردهوام سهركوتی دهكرد، ئێستا دهیان زانكۆی حكومی و ئههلی ههیه، دهسهڵات نوزهی لێبڕیوون، به ئاستهم دهنگی نهخێر نابیستی كهواته ئهمه ههنگاونانه بهرهو ستهمكاری ڕهها و، پێچهوانهی ئهو پهیام و پهیڕهو سیاسهتهی دهسهڵات خۆشیهتی .
خهڵك بێ موچه دهكرێت ، بێ ژیان دهكرێت ، بێ ههڵوێست دهكرێت ، ناچار دهكرێت پهنا بهرێته بهر ئهو بهغدایهی به درێژای حوكمڕانی ستهمی لێكردوه ، لهم لاشهوه ههڕهشه و تۆقاندن بهردهوامه، پێویسته ههردوو حزبی دهسهڵات ، له خۆیان بپرسن چی تر ماوه بیكهن، ههر بهڕاست ئهوان ئهو ههموو ساڵه بۆ ئهم حوكمڕانییه به ناو خۆماڵیه تێكۆشاون ؟
ناكرێت هیچ ناكۆكیهك له ناو جهرگهی شاردا به چهك یهكلایبكرێتهوه، شار مانانی جیاوازی و پێكهوه ژیان ، شار شاری یهك لایهن و یهك گروپ و یهك حزب و یهك بنهماڵه نییه، شار موڵكی ههموو هاوڵاتیهكانیهتی.
ناكرێت دۆسیهی یاسایی به بڕیاری حزبی و هێزی چهكدار یهكلایی بكرێتهوه ، ناكرێت بێ هیچ پاساوێك كهناڵی میدیایی دابخرێت، ناكرێت ئهو چهك و چۆڵهی هاوپهیمانان بۆ شهڕی داعش داویانه به به یهكێتی و پارتی و حكومهت ، له شهڕی خۆ به خۆدا به كار بهێنرێت ، لهبهرئهوهی پهیوهندی كۆمهڵایهتی و سیاسی دهشێوێت و متمانهی ههموو لایهك له دهست دهدرێت .
نهخێر بۆ ترس و تۆقاندن
ناوهكان
-شوان محهمهد ڕۆژنامهنووس
ـ عهزیز ڕهوف نوسهر مامۆستای زانكۆ
ـ عهبدولڕهزاق شهریف سیاسی نوسهر
– ئاسۆس ههردی ڕۆژنامهنووس
– سان سارڤان میدیا كاری ژینگهی
– لهتیف فاتیح فهرهج نوسهر
– ڕزگار مستهفا نوسهر پێشمهرگهی شاخ
– كهمال ڕهئوف ڕۆژنامهوان
– دڵشاد ئهنوهر ڕۆژنامهنووس
– دكتۆر جهعفهر عهلی مامۆستای زانكۆ
– هاوكار عیزهت ڕۆژنامهنووس
– تاگۆر زهردهشت نوسهر
ـ هیوا سهید سهلیم نوسهر
– زۆزك سابیر ڕۆژنامهنووس
-ههندرێن شێخ ڕاغب رۆژنامهنووس
– گهلاڤێز ههمزی چالاكوان
– كاروان سابیر رۆژنامهنووس
– كاوه نادر نوسهر
– مهریوان زهنددی چالاكوان
– عوسمان زیندانی چالاكی كرێكاری
– نههرۆ عاڵای ۆژنامهنووس
– كارزان فازیل پارێزهر
– ئارام جهمال نوسهرو چالاكی مهدهنی
– شۆڕش ئهمین نوسهر و چالاكوان
– خهبات عهبدوڵا نوسهر
– لهتیف شێخ مستهفا دادوهر
– پهروا عهلی چالاكی سیاسی نوسهر
– د كامیل عومهر مامۆستای زانكۆ
– د شێركۆ محهمهد ئهمین مامۆستای زانكۆ
– نامۆ مهجید نوسهر
– پهیمان عهزهدین نوسهر، پارێزهر
– گهشه حهفید مافناس
ـ ئهڤین نهسرین.. میدیاكار
– بڕوا ڕهسول ئهحمهد مامۆستای زانكۆ
– عهباس قادر عهبدوڵا.. مافناس
-بارزان شهلال مامۆستا و شاعیر
– شادمان ئهحمهد- پارێزهر
– نهیبل موسا.. چالاكوانی ژینگهیی
ئهبو بهكر ههڵهدنی پارلهمانتاری پێشوو
سهلاح ڕهشید نوسهر
تێبینی ..
گهر ههر ئازیزێك لهگهڵ ناوهرۆكی بهیاننامهكهدایه ناوی خۆی زیاد بكات و دهتوانێ له سۆسیال میدیای خۆی بڵاویبكاتهوه.
Post Comment