چۆن دەتوانیت ببیتە کەسێکی سیاسی گرنگ ئەگەر مەیلی سیاسیت هەبێت لە عێراق و هەرێمو کوردستان .!

محمد عەبدوڵا  عومەر
من کەسێکم حەز و مەیلم لەوەیە ،ببمە کەسێکی سیاسی و گرنگ لە وڵاتەکەی خۆم بۆیە پێویستە ئەو یاسا و پاڵنەرانە بزانم کە دەمکاتە کەسێکی گرنگی سیاسی ، بۆیە ئەگەر دەتەوێت ببیتە ئەو کەسە گرنگە ئەمانە بزانیت.
– هەرگیز گرنگی بە مافی تاک نەدەیت و گوێیان بۆ نەگریت ، مافیان پێشێل بکە ،خۆ ئەگەر لەئەنجامی ئەمە خەڵک دەنگی ناڕازیان بەرز کردەوە دەبێت بە زەبری هێز بێدەنگیان بکەیت زەبری هێزیش بە قۆناغانەدا دەڕوات(هەڕەشەکردن- زیندانی کردن بەبێ دادگایی – ئەشکنجەدان-کوشتن ..هتد
-دەبێت بەردەوام لەمل ملانێ بیت لەگەڵ کەسە سیاسیەکانی دەورو بەرت ، ئەوەیش بەوە دەکرێت کە خاوەنی زۆرترین سامان و پاسەوان بیت  و دزیەکانی خۆت بشاریتەوە.!
– بۆ ئەوەی لەناو هەندێک بەناو کەسی کۆیلەدا ڕێزدار بیت پێویستە سامانی وڵات بدزیت و خۆت دەوڵەمەند  بکەیت بەرتیل بدەیت بەو کەسانە بە دەموکتکردنی نەیارانت کە ئەوانەن تەنها مافی خۆیان دەوێت.!
– ئەگەر کەسێک بویت حەزت لێبوو ببیت بە پەرلەمانتار پێویستە زۆرترین پشێوی لە ڕێگەی وشەی نەشیاوەوە  دروست بکەیت بۆ تێکدانی دانیشتەکان وجێ بەجێ نەکردنی هەر چاکسازیەک کە پێشکەش دەکرێت بۆ سودی گشتی.!-
-خۆ ئەگەر بتەوێت ببیت بە کەسێکی پلەداری سەربازی پێویستە تەواو ڕۆڵی خۆت بگێڕیت بە زوڵم کردن لە خەڵک و کپ کردنی دەنگی ناڕازیو وەرگرتنی بەرتیل و دزیکردن.-
– خۆ ئەگەر حەزت لە وەزیری بوو پێوستە زۆرترین دزیی بکەیت و سامان کۆبکەیتەوە بۆی هەست بەکەمی نەکەیت لەگەڵ هاوپیشەکانت و بەردەوام چاوت داخەیت لە ئاست هەر زوڵم و زۆرداریو بەهەدەردانی سامانی گشتی دا.،گرنگ ئەوەیە چاوت لە خۆتو دەسەڵاتو پارەکانت بێت!-
– لەکاتی دەنگداندا پێوسیتە زۆرترین درۆ بکەیت بۆ سەرنج ڕاکێشانی خەڵکی خۆ ئەگەر پێش دەنگداندا دەسەڵاتت هەبێت ئەوە باشتر دەتوانیت هەڕەشە لەوکەسانە بکەیت بە بڕینی موچەکانیان لە دەزگاکانی حوکمەت کە خزمەت دەکەن.
تێبینی : دەمەوێت لەم ڕێگەیەوە خوێنەر ببەمە نا وئەو سیستەمە نادیموکراسی و مافیایەی کە لە لەو وڵاتتی عێراق و هەرێمی کوردستان پەیڕەو دەکرێت.!