پەرلەمانیارێکی عێراق بۆ وێستگەنیوز: هیچ کێشەیەک لەبەردەم ناردنی مووچەی مانگی شەش نەماوە

- سازگار ئەحمەد

ئەندامێکی ئەنجومەنی نوێنەرانی عێراق رایدەگەیەنێت، سبەینێ رێکارەکانی ناردنی مووچەی فەرمانبەرانی هەرێمی کوردستان لە بەغدا تەواو دەکرێت، ئاماژە بەوەشدەکات، گفتوگۆی لیژنەکانی هەردوو حکومەت بەردەوام دەبێت.

ئەمڕۆ شەممە 30ی ئابی 2025، شوان کەلاری، ئەندامی ئەنجومەنی نوێنەرانی عێراق بەی راگەیاند، “سبەینێ یەکشەممە 31ی ئابی 2025، لە بەغدا هەموو رێکارەکانی ناردنی مووچەی مانگی شەش تەواو دەکرێت و هیچ کێشەیەک نەماوە”.

لەبارەی مووچەی مانگەکانی داهاتووەوە شوان کەلاری وتی، “گفتوگۆی لیژنەکانی هەردوو حکومەتی عێراق و هەرێم سەبارەت بە مووچەی مانگەکانی داهاتوو دەستپێدەکاتەوە، بۆچوونی جیاواز زۆر بە کەمی هەیە، ئەگەر عێراق بیەوێت و کێشە دروستنەکات ئەوا هەردوو لیژنەکە دەگەنە ئەنجام و کێشە بۆ مووچەی مانگەکانی داهاتوو دروستنابێت، بەڵام هێشتا بە تەواوی نەگەیشتوونەتە ئەنجام و دەبێت لیژنەکان بەردەوام بن لە کۆبوونەوە”.

رۆژی پێنجشەممە 28ی ئابی 2025، وەزارەتی دارایی و ئابووریی حکومەتی هەرێمی کوردستان رایگەیاند، “داهاتی نانەوتی هەرێمی کوردستان بۆ مانگی حوزەیرانی ئەمساڵ کە 120 ملیار دینارە، بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لەلقی هەولێری بانکی ناوەندی عێراق”.

هەروەها سهرچاوهیهكی باڵا له حكومهتی ههرێمی كوردستان تایبهت به ی وتی، “رۆژی پێنجشەممە تهیف سامی وهزیری دارایی عێراق واژۆی لهسهر ناردنی مووچهی مووچهخۆرانی ههرێم كوردستان كردووە، بهڵام بههۆی یهك دوو رێكار له مامهڵهكهدا و تهواوبوونی دهوامی فهرمی، ناردنی مووچ دواكهوتووە بۆ رۆژی یهكشهممه 31ی ئاب”.

بەپێی زانیارییەکانیبێت، لەگەڵ هاتنی پارەی مووچە لە بەغداوە وەزارەتی دارایی و ئابووریی هەرێم بەپێی خشتەیەک لە ماوەی سێ بۆ چوار رۆژدا مووچەی سەرجەم وەزارەت و فەرمانگەکانی حکومەتی هەرێمی کوردستان دابەشدەکات.