مهكتهبی سیاسیی یهكێتی پهیامێكی ئاراستهی پارتی كرد
مهكتهبی سیاسیی یهكێتیی نیشتمانیی كوردستان، به بۆنهی تێپهڕبوونی 79 ساڵ بهسهر دامهزراندنی پارتی دیموكراتی كوردستانهوه، پهیامێكی پیرۆزبایی ئاڕاستهی مهكتهبی سیاسیی پارتی كرد و تیایدا جهخت له یهكڕیزی دهكاتهوه.
ئهمڕۆ شهممه 16ی ئابی 2025، مهكتهبی سیاسیی یهكێتیی نیشتمانیی كوردستان پهپامێكی پیرۆزبایی ئاراستهی مهكتهبی سیاسیی پارتی دیموكراتی كوردستان كرد و تیایدا هاتووه “به بۆنهی تێپهڕبوونی حهفتا و نۆ ساڵ بهسهر دامهزراندنی پارتی دیموكراتی كوردستانهوه گهرمترین پیرۆزبایی ئاڕاستهی ئێوه و ئهندام و لایهنگرانی پارتی دهكهین”.
مهكتهبی سیاسیی یهكێتی دهڵێت: “بهم بۆنهیهوه تهئكید لهسهر پێویستی یهكڕیزی هێزه سیاسییهكانی كوردستان، به تایبهتیش یهكێتی و پارتی، دهكهینهوه له پێناوی پێكهێنانی حكومهتێكی پتهوو كارا كه ئهركی چاكسازی و راستكردنهوهی رێڕهوی حوكمڕانی بگرێته ئهستۆ، له رێی سهرخستنی ویستی گهلهكهمان له دابینكردنی ماف و ئیستحاقه دهستورییهكانی له عیراق، به تایبهتیش مووچه و شایسته داراییهكانیان، لهسهروبهندی ههڵبژاردنی داهاتووی ئهنجومهنی نوێنهراندا”.
Post Comment