مهكتهبی سیاسیی یه‌كێتی كۆدهبێتهوه
، عومهر ئهحمهد –
بڕیاره ئهمڕۆ مهكتهبی سیاسیی یهكێتیی نیشتمانیی كوردستان كۆببێتهوه و بهپێی زانیارییهكان تهوهری سهرهكی كۆبوونهوهكه رووداوهكانی رۆژی 22ی مانگی هۆتێل لالهزار دهبێت.
بهپێی ئهو زانیارییانهی دهست كهوتووه، ئهمڕۆ سێشهممه مهكتهبی سیاسی یهكێتیی نیشتمانیی كوردستان له شاری سلێمانی كۆدهبێتهوه.
وهك ئهوهی دهست وێستگه كهوتووه، تهوهری سهرهكی كۆبوونهوهكه تایبهت دهبێت به رووداوهكانی هۆتێل لالهزار.
وێستگه پهیوهندی كرد به كاروان گهزنهیی وتهبێژی یهكێتیی نیشتمانیی كوردستانهوه، بهڵام بهپاساوی ئهوهی له كۆبوونهوهدایه هیچ زانیارییهكی ئاشكرا نهكرد.
ئهمه یهكهم كۆبوونهوهی مهكتهبی سیاسیی یهكێتییه لهدوای شهڕهكهی هۆتێل لهلازاری سلێمانی.
ئهمهش دوای ئهوه دێت كه شهوی پێنجشهممه لهسهر ههینی 21 لهسهر 22ی ئابی 2025 هێزێكی ئهمنی له سلێمانی له هۆتێل لالهزار نزیكبوونهوه بۆ دهستگیركردنی لاهور شێخ جهنگی و چهند بهرپرسێكی تری بهرهی گهل، دوای چوار كاتژمێر رووبهڕووبوونهوه، بەیانی رۆژی ههینی میدیاکانی یەکێتیی نیشتمانیی کوردستان دەستگیرکردنی لاهور شێخ جەنگی، سەرۆکی بەرەی گەل و پۆڵاد شێخ جەنگی و ئاسۆ شێخ جەنگی و رێبوار حامی حاجی غالی و چەند کەسێکی دیکەی راگەیاند، دواتریش پێكدادانهكان راگیران. بههۆی شهڕهكهوه چهندین كهس له ههردوولا كوژران و برینداربوون.
دوای هێرشهكهش چهندین گرتهی ڤیدیۆیی ساتی دهستگیركردنی چهكدارانی هێزهكهی لاهور شێخ جهنگی له تۆڕه كۆمهڵایهتییهكان و بهشێك له میدیاكان بڵاوكرایهوه.
Post Comment