محەمەد شیاع سودانی: ناکرێت خەڵک بێ مووچە بن

-

ئەمڕۆ سێشەممە 26ی ئابی 2025، ئەنجومەنی وەزیرانی عێراق بە سەرۆکایەتی محەمەد شیاع سودانی، سەرۆک وەزیرانی عێراق کۆبوونەوەی ئاسایی خۆی ئەنجامدا لە کۆبوونەوەکەدا بڕیار لەسەر ناردنی مووچەی مانگی شەشی فەرمانبەرانی هەرێمی کوردستان درا.

بەپێی وتەی راوێژکارێکی سەرۆک وەزیرانی عێراق بێت کە بە کەناڵ 8ی راگەیاندووە، “لە کۆبوونەوەی ئەنجومەنی وەزیرانى عێراق گفتوگۆ لەبارەی کاری لیژنە هاوبەشەکە کراوە و مۆڵەتى هەفتەیەکیش بۆ رێککەوتن لەبارەى دۆسییەکانى داهاتى نانەوتى و هەناردەکردنەوەى نەوت، لەنێوان هەولێر و بەغدا دراوە”.

ئاماژەی بەوەکردووە، “سودانى لە کۆبوونەوەکەدا وتویەتى، ناکرێت خەڵک بێ مووچە بێت، بۆیە داواى کردووە هەولێر و بەغدا لەماوەى هەفتەیەکى دیکە بگەنە ئەنجام، تاوەکو مووچەى مانگەکانى تەموز و ئاب بڕیارى لەسەر بدرێت”.