لاهور شێخ جەنگی چی مەرجێکی بۆ بافڵ تاڵەبانی داناوە بۆ ئەوەی خۆی رادەست بکات؟
_
ئەم راپۆرتەی، لە سەرچاوەیەکەوە دەستی کەوتووە کە دەڵێت: تەواوی ئەم بابەتە لەنێو دۆسیەی لێکۆڵینەوەی لاهور شێخ جەنگیدا هەیە.
بەپێی زانیارییەکان ئەو سەرچاوەیە، شەوی شەڕی لالەزار، بافڵ تاڵەبانی، سەرۆکی یەکێتی نیشتیمانی کوردستان سێ جار پەیوەندی تەلەفونی لەگەڵ لاهور ئەنجام داوە، بۆ ئەوەی ناوبراو و هێزەکەی، خۆیان رادەست بکەن.
ئاماژەی بەوەشکرد، بافڵ تاڵەبانی لە هەرسێ جارەکەدا داوای خۆڕادەست کردنی لە لاهور شێخ جەنگی کردووە تاوەکو شەڕ و رووداوی نەخوازراو روونەدات، بەڵام لاهور شێخ جەنگی وتویەتی: “بە مەرجێک رازی دەبم خۆم رادەست بکەم، دەبێت خۆت بە تەنها بێیتە ژورەوە بۆ لالەزار و بەیەکەوە برۆینە دەرەوە”.
سەرچاوەیەکی نزی لە بافڵ تاڵەبانی بۆ وێستگە دواوە و دەڵێت: بافڵ تاڵەبانی نەک ئەوەی رەتکردەوە، بەڵکو وتی چۆن دەبێت کە ئەوان چوار جار بەتەمای کوشتنی من بوبێتن؛ و من بە تەنها بڕۆمە ژوورەوە؟ ئەمە چییە خۆ من بێ عەقڵ نیم!”
هەروەها، سەرچاوەیەکی بەرپرس لە یەکێتی نیشتمانی کوردستان، بەی راگەیاند: “دەزگا ئەمنییەکان تۆمەتی ئەنجامدانی 4 هەوڵی تیرۆرکردنی بافڵ تاڵەبانی داوەتە پاڵ لاهور شێخ جەنگی.”
وتیشی: “هەوڵی یەکەمیان لەڕێگەی قەناسەوە بووە کە لە شوقەیەکی پرۆژەیەکی نیشتەجێبوونی نزیک دەباشانەوە هەوڵی پێکرانی بافڵ تاڵەبانی دراوە و سەرینەگرتووە.” دەشڵێت: “چەکدارەکە ئامادەکاری کردووە و تەنانەت جارێک هێمای دووربینی نیشانەشکێنەکەی خستووەتە سەر سنگی بافڵ تاڵەبانی، بەڵام دواتر پەشیمان بووەتەوە و تەقەی نەکردووە.”
هەوڵی دووەمیش بەوتەی سەرچاوەکە، هەر لەناو سلێمانییدا بووە.
لەبارەی هەوڵی سێیەمیشەوە، بەوتەی سەرچاوەکەی یەکێتی، “لەڕێگای ڕۆشتنی بافڵ تاڵەبانی بووە بۆ فەرماندەیی کە 2 کەسی ئەمریکی لەگەڵ بووە و بەهۆی بوونی ئەو دوانەوە ئەنجام نەدراوە.”
هەرچی هەوڵی چوارەمیشەوە، بەوتەی سەرچاوەکە لەڕێگەی گەڕانەوەی بووە لە بەغدا، بەڵام وەک خۆی وتی: “بەو هۆیەی بە سێ هەوڵەکەی تریان زانییوە، ئامادەکاریی خۆیان کردووە، ئەمەی کۆتاییان کەشف بووە.”
بەوتەی سەرچاوەکەی یەکێتی، هەوڵەکانیش لەڕێگەی پێکرانی بافڵ تاڵەبانی بە قەناسەوە بووە و “هەریەکە لە لاهور شێخ جەنگی و ئەژی ئەمین لەپشتییەوە بوون.”
هاوکات، هەتا ئێستا هەڵوێستی بەرەی گەل لەبارەی ئەم تۆمەتانەوە ڕانەگەیەنراوە.
Post Comment