قایمقامییەتی دەربەندیخان: خواردنەوەی مادە کحولییەکان لە بەردەم تاڤگەکان قەدەغەیە
-
قایمقامییەتی دەربەندیخان رایدەگەیەنێت، خواردنەوەی مادە کحولییەکان لەبەردەم تاڤگەکان قەدەغەیە و هەرکەسێک پابەند نەبێت رووبەڕووی یاسا دەکرێتەوە.
ئەمڕۆ یەکشەممە 28ی ئەیلولی 2025، قایمقامییەتی دەربەندیخان بڵاویکردەوە، لەدوای داواکاریی ژینگە پارێزان و هاوڵاتییان بەبڕیاری لیژنەی ئەمنی و بە ئاگاداریی بەڕێوەبەرایەتیی گەشتوگوزاری دەربەندیخان بڕیادرا بەقەدەغەکردنی خواردنەوەی مادە کحولییەکان لەبەردەم تاڤگەکان.
سلێمان محەمەد، قایمقامی دەربەندیخان رایگەیاند، “لەبەر بەرژەوەندیی گشتیی و بەو پێیەی ئەو جێگەیە موڵکی گشتییە و لە پێناو بەسەربردنی کاتێکی خۆش لەلایەن هاوڵاتییان و خێزانەکانەوە ئەو بڕیارە دراوە و هاوکات لەسەر ئەرکی قایمقامییەت هێمای قەدەغەکردنی مادە کحولییەکان و حاویەی تایبەت بە فڕێدانی خۆڵ و خاشاک لەو جێگەیە دادەنرێت”.
بەپێی بڕیارەکەی قایمقامییەتی دەربەندیخان بێت، هەرکەسێک پابەندی بڕیارەکە نەبێت رووبەڕووی یاسا دەکرێتەوە.
Post Comment