شاندێکی باڵای هەرێم بۆ یەکلاکردنەوەی پرسی مووچە دەچێتە بەغدا
-
ئەمڕۆ شەممە 23ی ئابی 2025، سەرچاوەیەک لە ئەنجومەنى وەزیرانى هەرێم بە میدیای یەکێتی راگەیاندووە، “لە سەرەتای ئەم هەفتەیە شاندى هەرێمى کوردستان جارێکى دیکە دەچنەوە بەغدا کە ئەمجارە چاوەڕوان دەکرێت ئاوات شێخ جەناب، وەزیرى دارایی و ئابوورى و کەمال محەمەد، وەزیرى سامانە سروشتییەکان بەوەکالەت لە شاندەکەدا بن، تا بڕیار لەسەر داهاتى نانەوتی و هەناردەکردنەوەى نەوت بدرێت”.
ئەو سەرچاوەیە ئاماژەی بەوەکردووە، “حکومەتى هەرێمى کوردستان 120 ملیار دینارى داهاتى نانەوتی بۆ مانگى حوزەیران ئامادە کردووە و هەر کات بڕیاردرا، دەخرێتە سەر هەژمارى دارایی وەزارەتى دارایی فیدراڵ لە لقى هەولێرى بانکى ناوەندى”.
سەرچاوەکە وتوشیەتی، “کۆبوونەوەى شاندى هەرێمى کوردستان و عێراق بۆ ئەوەیە پرسى داهاتى نانەوتی تیادا یەکلایبکرێتەوە، تا گرفتەکانى بەردەم خەرجکردنى مووچە کۆتایی پێبهێندرێت”.
لەکۆبوونەوەى رۆژى سێشەممە 19ى ئاب، ئەنجومەنى وەزیرانى عێراق بڕیارى دابینکردنى مووچەى مانگى حوزیرانیدا بەو مەرجەى هەولێر نەوت رادەست بکات و داهاتى نانەوتی لەکاتى خۆیدا رەوانە بکات.
Post Comment