سەردەمی ئارامی !

دڵدار لوقمان

سەرەتا دەبێت ئەم زانیاریە ڕەچاو بکەن کە شێخ لاهور تا ساڵی ٢٠٢٠ بەرپرسی دەزگای زانیاری و دژە تیرۆر بوە دواتر بوە بە هاوسەرۆکی یەکێتی تا کۆتایی ٢٠٢١ لە یەکێتیدا بوە واتە هەر کارێک بە باش بە خراپ ڕووی دابێت تا ئەو بەروارە لاهور و براکانی و ئامۆزاکانی لێیی بەرپرسیارن
لە.سەردەمی ئارامیەکەی شێخ لاهور ئەمانە ڕوویاندا
١- شەهیدانی حەڤدەی شووبات
٢- شەهیدانی خۆپیشاندانەکەی پێنجوێن
٣- شەهیدانی خۆپیشاندانەکانی ڕانیە
٤- شەهیدانی خۆپیشاندانەکانی قەڵادزێ
٥-شەهیدانی خۆپیشاندانەکانی چەمچەماڵ
٦-ڕاکردن و فرۆشتنی کەرکوک
٨- کوشتنی زانای قائیم قام
٩- کوشتنی ئامانج بابانی و لانەی هاوسەری و منداڵەکەیان
١٠- فڕاندن و سەرانە وەرگرتن لە بازرگان و سەرمایەدارانی سلێمانی
١١- دزی و دابینکردنی تەندەراتی وەبەرهێنان بۆ کۆمپانیای کەڵکانی خۆی و براکانی
١٢ – کوشتنی عبداللەی قەسری و پاسەوانەکانی
١٣- کوشتنی خالیدی خولە سور
١٤- کوشتنی ٨ کادری دیموکرات و ڕادەستکردنەوەی موستەفای سەلیمی و ١٣ کادری کۆمەڵە بە ئێران و پاشان.لە سێدارەدانیان
١٥- فڕاندن و ئەشکەنجەدانی دژەکانی یەکێتی
١٦ – تەقەکردن و هەڵکوتانە سەر بارەگای حزبەکانی تر
١٧- تەقە کردن.لە شاسوار عبدالواحید
١٨- فڕاندن و ئەشکەنجەدانی ڕۆژنامەنووسان و نووسەران
١٩- بەکارهێنانی دەزگای زانیاری بۆ مەرامی تایبەتی و سیخوڕی کردن و لە.کەدار کردنی کادرانی تری حزبی و لەهەمانکات سیخوڕی کردن بەسەر هاوڵاتیانی سڤیل
٢٠- درووستکردنی سەدان پەیج و ئەکاونت بۆ پڕوپاگەندە و زلکردنی خۆی و لەهەمانکات درووستکردنی گروپەکانی هاک و داخستن و ڕیپۆرت لێدان لە پەیج و ئەکاونتی ئازادی خوازان و دژە لاهوریەکان دابینکردنی بودجەیەکی زەبەلاح بۆیان دواتر لەلایەن فەیسبوکەوە ١٤٠ پەیج و ئەکاونتی تەمویلکراوی لاهور داخران
٢١- درووستکردن و تەمویلکردنی شەق وەشێن و شەقاوە و گروپی جل ڕەشی هاوشێوەی خولە بێسەری و کوڕەکانی عەلی شامار بە تایبەت ڕێبوار ئەوەی دواتر بافڵ سمێڵی تاشی و ئەتکی کرد کە دەیگوت لە ١٧ ی شووباتدا خەڵکم بۆ یەکێتی فڕاندوە و کوشتوە و هەزار فعلی قۆڕم کردوە
٢٢- دروستکردنی گروپی لەشفرۆش و سۆزانیخانەکان و بازرگانەکانی موادی هۆشبەر و خەساندنی گەنجانی سلێمانی
ئەمانە و سەدان و هەزاران کاری تری هاوشێوە لە سەردەمی ئارامیەکەی لاهوری شێخ جەنگی و براکانی و ئامۆزاکانی بوە .

لە کاتێکدا لاهور و براکانی لەژێر پۆستاڵی سەرۆکە شێتەکەی یەکێتی بافل جەلال تاڵەبانیدان.
زۆرێک لە تاکی کورد ئازاری چەشتن بە کوشتنی کورد بەدەستی کورد وە زیاتر ئازاری چەشت کە بینی چەندین فیدۆ بڵاو کرایەوە کەوا چۆن سوکایەتی بە دیلەکان ئەکرێت لەلایەن هێزە میلیشیاکانی(کۆماندۆ، دژەتیرۆر، ئاسایش، ئۆپراسیۆن ، هێزی پشتیوانی )بافڵە شێت . لەکاتێکدا هەموو تاکێکی کورد زۆر باش ئەزانێت ئەوانەی چەکیان هەڵگرتوە تەنها بۆ بژێوی ژیانیان ئەم کارەیان هەڵبژاردوە لەبەر ئەوەی ئەم حیزبانەی سەر دەسەڵات هیچ کەسابەتێکیان نەهێڵاوەتەوە بۆ خەڵکی کاسب تا بەناچاری ببن بە چەکداری ئەم هێزە میلیشیایانە .

ئەوەی لە ٢٢ی ئاب یەکێتی و بافل بیری خەڵکیان هێنایەوە ئەوەبو کەوا کوشتنی کورد بەدەستی کورد بەردەوامی هەیە تەنها بۆ مەبەستی بەدەست هێنانی هێزی زیاتر و شکاندنی شکۆ و هەیبەتی ئەوانیتر بەکوردیەکەی بۆ( چاو سورکردنەوە).

ئەوەی زۆر لای من سەیرە ئاخر کۆیلەو چەک هەڵگرەکان ئێوە بۆ موچەو بژێوی ژیانتان ئەو کارە ئەکەن چۆن دەستان ئەچێتە کوشتنی برا کوردەکانتان لەکاتێکدا ئێوەو ئەوان هاو زمانن هاو خاکن وە بێ موچەن !!!