بەڕێوەبەرایەتیی گشتیی باجەکان لە وەزارەتی دارایی هەرێم داوای داخستنی چاڤی لاند دەکات

-

بەڕێوەبەرایەتیی گشتیی باجەکان لە وەزارەتی دارایی و ئابووریی هەرێمی کوردستان، بە نووسراو داوای داخستنی کۆمپانیای چاڤی گەشتیاری دەکات کە لەلایەن شاسوار عەبدولواحید، سەرۆکی نەوەی نوێوە خاوەنداری دەکرێت.

نووسراوەکە بە ژمارە 6093 لە 21ـی تەمووزی 2025، بە واژۆی د. کەمال تەیب قادر، بەڕێوەبەری گشتیی باجەکان ئاراستەی قایمقامیەتی قەزای ناوەندی سلێمانی کراوە.

لە نووسرواەکەدا هاتووە، “پاش چەندین جار ئاگادارکردنەوەی ئەم خاوەن کۆمپانیایەی کە ناو و ناونیشانی لە نووسراوی بەڕێوەبەرایەتی گەورە باجدەران ژمارە (1294/1/22205) لە 15-07-2025 داهاتووە، بە ناوی کۆمپانیای (چاڤی/بۆ وەبەرهێنانی گەشتیاری) مەبەستی دانی باجەکەی، بەڵام تاوەکو ئێستا ئەو باجەی کە بە یاسا لەسەریان چەسپاوە، پاکتاو نەکراوە”.

بەڕێوەبەرایەتیی گشتیی باجەکان لە نووسراوەکەدا داوا لە قایمقامییەتی سلێمانی دەکات، “بەپێی بڕیاری ئەنجوومەنی وەزیران ژمارە 13 لە رێککەوتی 07-08-2019، هەستن بە داخستنی [کۆمپانیای چاڤیی گەشتیاری] بەگوێرەی سنووری دەسەڵاتتان”.