وەزارەتی ناوخۆی هەرێم: کامێراکانی تیژڕەوی تابلۆی ئۆتۆمبێلەکانی عێراقیش تۆماردەکات
-
وەزارەتی ناوخۆی حکومەتی هەرێمی کوردستان رایدەگەیەنێت، کامێراکانی تیژڕەوی تابلۆی ئۆتۆمبێلەکانی عێراقیش تۆماردەکات.
لە راگەیەندراوێکدا وەزارەتی ناوخۆی حکومەتی هەرێمی کوردستان رایگەیاند، “ئەو ئۆتۆمبێلانەی کە هەڵگری تابلۆی ناوەڕاست و خوارووی شارەکانی عێراقن یاخود بیانین، لە سەرپێچی تیژڕەوی ئەنجام بدەن لە کامێراکانی هاتووچۆی هەرێم تۆماردەکرێن”.
ئاماژەی بەوەشکرد، “پێویستە شۆفێران پاپەندی رێنماییەکانی هاتووچۆ بنن، بە پێچەوانە سزای دارایی دەدرێن”.
هەروەها رۆژی هەینی 22ی ئابی 2025، هاتووچۆی گشتی عێراق رایگەیاند، “ئەو ئۆتۆمبێلانەی ژمارەی هەرێمی کوردستانیان هەیە، لە پارێزگاکانی عێراق سەرپێچییەکانیان تۆماردەکرێت و سزادەدەرێن”.
Post Comment