مستهفا عهبدوڵا: دهسهڵات له رێی میدیاكانیهوه ههواڵی ناڕاست لهسهر مووچه بڵاودهكاتهوه
–
مستهفا عهبدوڵا سهرۆكی فراكسیۆنی یهكگرتوو له پهرلهمانی كوردستان رایگهیاند كه له بری جدیبوون له ڕێكهوتن و بهخهمهوهبوونی مووچهی فهرمانبهران و بژێوی هاوڵاتیان، دهسهڵات له ڕێگهی میدیاكانیهوه چهواشهكاری دهكات و ههواڵی ناڕاست لهسهر مووچه بڵاودهكاتهوه.
سهرۆكی فراكسیۆنی یهكگرتوو له پهرلهمانی كوردستان له گرتهیهكی ییدا دهڵێت:
*مووچه بهدهست دهسهڵاتدارانی حكومهتی ههرێم و فیدراڵهوه خهریكه دهبێته ئهو پرسیارهی خهڵك هیچ متمانهیهكی به ههواڵیان نهمێنێت.
*میدیاكانی نزیك له دهسهڵات دهنگوباسی وا بڵاودهكهنهوه مووچه دێت، نایهت.خهبهری خۆشم پێیه، خهبهری خۆش بڵاودهكهینهوه. ئهوه دهردی مووچهخۆران دهرمان ناكات.
*دهرمانی دهردی مووچهخۆران ئهوهیه حكومهت داهاتی نانهوتی و رێكهوتنی نهوت لهڕێی سۆمۆوه تهواو بكات چی دیكه فهرمانبهران و مووچهخۆران نهكاته قوربانی ئهو سیاسهته نادروسته قۆرخكاریه.
*تائێستا 6 مووچهی ئهمساڵ نهدراوه و نزیكدهبینهوه له كۆتایی ساڵ.
*وابڕوات ئهمساڵ فهرمانبهرانی ههرێم 3 بۆ 4 مووچهیان دهفهوتێت.
*ئهوه ستهمێكی گهورهیه له حوكمڕانی و مووچهخۆران و قهوارهی ههرێم گاڵتهكردنه به میزاجی هاوڵاتیانی ههرێم و بازاڕ و مووچهخۆران.
*سێ مانگه ههر دهڵێن رێكدهكهوین و نزیكین و كهمی ماوه، گهر راست دهكهن رێكبكهون. كێ دهستی گرتوون؟ نهوت لای خۆتانه. كۆمپانیاكان هی خۆتانن، بهجددی بچنه پێشهوه. *بیانووی حكومهتی فیدراڵ ببڕن كه ستهمكارانه وهك ئێوه مامهڵه لهگهڵ مووچهخۆرانی ههرێم دهكات ئهڵێی ههردووكتان رێككهوتوون بۆ سزادانی فهرمانبهرانی ههرێمی كوردستان.
Post Comment