ماڵپەڕی شەفافیەت: داهاتی ئەم هەفتەیەی سلێمانی به‌ڕێژه‌ی زیاتر له‌ 52% كه‌می كردووه‌

-

ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردو ئیدارەی راپەڕین و گەرمیان داهاتی هەفتەیەکی بڵاوکردەوە.

ئەمڕۆ هەینی 10ی نیسانی 2026، ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردوو ئیدارەی راپەڕین و گەرمیان بڵاویکردەوە، داهاتی ئەم هەفتەیەی سلێمانی لە 4ی 4 تا 10ی 4ی 2026، زیاتر لە 7 ملیار و 890 ملیۆن و 669 هەزار دینارە.

ئاماژە بەوەکراوە، لەو بڕە 6 ملیارو 212 ملیۆن و 871 هەزار دیناری واتە 79%ی نەختینەیە، هەروەها 1 ملیارو 677 ملیۆن و 797 هەزار دیناری واتە 21%ی بەشێوەی چەكەو مەقاسە سفرە.

بەپێی ماڵپهڕهكه داهاتی ئهم ههفتهیهی سلێمانی لهچاو ههفتهی رابردوو، زیاتر له 8 ملیار دینار و بهڕێژهی زیاتر له 52% كهمی كردووه.