لە دوزخورماتوو تەقە لە بارەگای پارتی کرا

-

درەنگانی شەوی رابردوو لە قەزای دوزخورماتوو ئۆتۆمبێلێك كە سێ كەسی تێدابووە، تەقەیان بەسەر ناوچەی خورماتووی پارتی دیموكراتی كوردستاندا كرد.

لەبارەی رووداوەکەوە ئیسماعیل دەلۆ، بەرپرسی ناوچەی خورماتووی پارتی دیموکراتی کوردستان بە میدیاکانی رایگەیاند، “درەنگانی شەوی رابردوو ئۆتۆمبێلێكی جۆری تۆیتا لاندگرۆز سێ كەسی تێدابووە کە خواردنەوەی کحولییان خواردووەتەوە و تەقەیان بەسەر ناوچەکەدا كردووە”.

بەرپرسی ناوچەی خورماتووی پارتی ئاماژەی بەوەشکرد، :تەقەكەرەكان ناسراونەتەوە و دووانیان دەستگیركراوە”.