قوباد تاڵه‌بانی‌ له‌ كۆبوونه‌وه‌ی‌ ئه‌نجومه‌نی‌ وه‌زیران: چوار جار هه‌وڵی‌ تیرۆركردنی‌ بافڵ‌ تاڵه‌بانی‌ دراوه‌

لهمیانی كۆبوونهوهی ئهمڕۆی ئهنجومهنی وهزیراندا قوباد تاڵهبانی جێگری سهرۆك وهزیرانی ههرێمی كوردستان رایگهیاند كه چوار جار ههوڵی تیرۆركردنی بافڵ تاڵهبانی سهرۆكی یهكێتیی نیشتمانیی كوردستان دراوه.

ئهمڕۆ چوارشهممه ئهنجومهنی وهزیرانی ههرێمی كوردستان كۆبوونهوهی ئاسایی خۆی به سهرۆكایهتی مهسرور بارزانی سهرۆك وهزیران و قوباد تاڵهبانی جێگری سهرۆك وهزیران ئهنجام دا و تیایدا باس له رووداوهكهی لالهزار كرا.

وتیشی: “ههر بۆیه ئهوهی كه كرا پووچهڵكردنهوه ئهو پیلانه ئاژاوهگێڕییه و چهسپاندنی یاسا بووه و ئێستاش ڕێكاری یاسایی دهگیرێتهبهر بۆ یهكلا كردنهوه ئهو بابهته”.

ههریهك له كهمال محهمهد وهزیری سامانه سروشتییهكان به وهكالهت و ئومێد سهباح سهرۆكی دیوان و ئامانج ڕهحیم سكرتێری ئهنجومهنی وهزیران، ئهنجامی گفتوگۆكانیان لهگهڵ حكومهتی فیدراڵ تایبهت به ههردوو بابهتی ههناردهكردنهوهی نهوت و داهاته نانهوتییهكان خستهڕوو.

له دوای گفتوگۆ، ئهنجومهنی وهزیران وێڕای دهستخۆشی له لیژنهی دانوستانكاری ههرێم كه دڵسۆزانه ئهركی خۆیان بهجێگهیاندووه بۆ داكۆكیی له مافی مووچهخۆران و شایسته داراییهكانی ههرێم، له ههمانكاتدا ئهنجومهنی وهزیران، شاندی دانووستانكاری ڕاسپارد كه له كۆبوونهوهكانی سبهینێیان كه وا بڕیاره له بهغدا لهگهڵ هاوتاكانیان له حكومهتی فیدڕاڵیی ئهنجام بدرێت، بهردهوام بن له ههوڵهكانیان و پهله بكهن له گهیشتن به چارهسهری گونجاو له پێناوی ههرچی زوو دهستپێكردنهوهی ههناردهی نهوتی ههرێم له ڕێگهی كۆمپانیای سۆمۆ، به تایبهتیش كه ههردوو وهزارهتی نهوت و سامانه سروشتییهكان و كۆمپانیای نهوتی باكوور و كۆمپانیای سۆمۆ، كۆنووسی هاوبهشی پڕۆتۆكۆلی دهستپێكردنهوهی ههناردهی نهوتیان واژۆ كردووه، و ئهوهی لهسهر ههرێمی كوردستان بووه، به زیادهوه كارئاسانی پێویست كراوه بۆ لابردنی بهربهستهكان، و ههوڵهكانیش بهردهوامن بۆ گهیشتنهوه به ئاستی بهرههمهێنانی پێش هێرشه تیرۆریستهكانی ئهم دواییهی سهر كێڵگه و دامهزراوه نهوتییهكانی ههرێم.

سهبارهت به بابهتی هاوبهشی پێكردنی داهاتی ناوخۆی ههرێم لهگهڵ حكومهتی فیدڕاڵ، ئهنجومهنی وهزیران جهختی كردهوه لهوهی ئهم بابهته، به یاسای بهڕێوهبردنی دارایی فیدڕاڵیی و یاسای بودجهی عێراقی فیدڕاڵ ڕێكخراوه كه دادگای فیدڕاڵیش جهختی لێ كردووهتهوه، داواشی كرد له چوارچێوهی ئهم دوو یاسایه، بابهتی داهاتی نانهوتیش چارهسهر بكرێت ههروهك له دوا بڕیاری ئهنجومهنی وهزیرانی فیدڕاڵیش جهختی لهسهركراوهتهوه و لیژنهیهكی تایبهتمهندی هاوبهش بۆ ئهم مهبهسته پێكهێنراوه، تاوهكوو چیتر ئهم دوو بابهته وهكوو پاساو و بیانوو بۆ خهرجنهكردنی مووچه و شایستهی مووچهخۆرانی ههرێمی كوردستان بهكارنههێنرێت كه به داخهوه ئێستا له مانگی ئهیلوولین، كهچی تازه مووچهخۆران مووچهی مانگی حوزهیرانیان بۆ دهنێردرێت كه پێویست بوو مووچه و شایستهی مووچهخۆرانی ههرێمی كوردستان، تێكهڵی ناكۆكییهكانی نێوان ههردوو حكومهت نهكرێت ههروهك بڕیارهكانی دادگای فیدڕاڵیش جهختی لێ كردووهتهوه.