×

خۆپیشاندان ڕەوەندى کوردى لە بەریتانیا بۆ ئازادکردنی شێروان شێروانی و ئومێد بەڕۆشکی

خۆپیشاندان ڕەوەندى کوردى لە بەریتانیا بۆ ئازادکردنی شێروان شێروانی و ئومێد بەڕۆشکی

جار بینراوە: (15.2K)

ڕێکخراوی داکۆک: درێژکردنەوەی زیندانیکردنی ڕۆژنامەنووسان وچالاکوانان ئیدانە دەکات

 ڕێکخراوی داکۆک لە وڵاتی بەریتانیا خۆپیشاندانی بەرفراوانی لە حەوت شاری سەرەکی ئەم وڵاتە ڕێکخست بۆ ئیدانەکردنى درێژکردنەوەی ماوەی زیندانیکردنی دوو ڕۆژنامەنووس و چالاکوانی کورد شێروان شێروانی و ئومێد بەڕۆشکی.

خۆپیشاندەرانی کورد لە شارەکانی لەندەن، بیرمینگهام، نیوکاسڵ، گلاسگۆ، کاردیف، مانچستەر و لیدز کۆبوونەوە بۆ داواکردنی ئازادکردنی هەرچی زووی ئەم دوو ڕۆژنامەنووسە.

سەرەکیترین خاڵەکانی بەیاننامەکە:

لە بەیاننامە فەرمیەکەیدا کە لە ڕێکەوتی ٥/٨/٢٠٢٥ بڵاوکرایەوە، ڕێکخراوی داکۆک ڕایگەیاند:

  • درێژکردنەوەی زیندانیکردن: دوای ئەوەی چاوەڕێدەکرا لە ڕێکەوتی ٩/٨/٢٠٢٥ شێروان شێروانی و ئومێد بەڕۆشکی ئازاد بکرێن، هەواڵی درێژکردنەوەی ماوەی زیندانیکردنیان تەواوى هاوڵاتیانى کوردستان و ڕەوەندى کوردى لە دەرەوەى ووڵات پێشبینى کراوو بوو لەلایەن حیزبى دەسەڵاتەوە .
  • سیناریۆی دەستەمۆکردن: ڕێکخراوەکە ئاماژەی بەوە کرد کە ئەم درێژکردنەوەیە بەشێک لە سیناریۆیەکی تایبەتە بۆ دەستەمۆکردن و پاشگەزکردنەوەی ئەم کەسایەتیانە لە پشتگیریکردنی زوڵملێکراوان تەواووى ئەو داواکاریانەى هەیانبووە لە ڕابردوودا.
  • بێدەنگی لەبەرامبەر ناڕەزایەتی: بەپێی بەیاننامەکە، دەسەڵاتداران گوێیان بە هیچ ناڕەزایەتیەکی مەدەنیانە نەداوە و بەشێوەیەکی “خەمسارد و ترسناک” ئەجێنداکانی خۆیان جێبەجێکردووە.

داواکاری لە کۆمەڵگەی نێودەوڵەتی:

ڕێکخراوی داکۆک داوای لە ڕێکخراوەکانی ناوخۆ و دەرەوە و لایەنە پەیوەستدارەکان کردووە کە:

  • بەجددی و بەشێوەیەکی یەکلاکەرەوە کاربکەن بۆ دروستکردنى فشار لەسەر حکومەتى هەرێمى کوردستان.
  • کۆتایی بەم جۆرە سیناریۆ “بێمانایانە” بهێنرێت
  • پشتگیری لە ئازادکردنی هەرچی زووی ئەم دوو کەسایەتیە بکەن

ئەم خۆپیشاندانانە وەک بەشێک لە کۆششە بەردەوامەکانی کۆمەڵگەی کوردی لە لە وڵاتى بەریتانیا و ڕێکخراوى ناوبراو  دێتە ئەژمار بۆ دەرخستنى  پێشێلکاریە بەردەوامانەى بەرامبەر بە ڕۆژنامەنووسان و چالاکوانن دەکرێت.

جێگەى باسە مایکى  کۆیباس لە لەندەن و بێرمینگهام    , ووتەى لە چەند چالاکوانێک وەرگرت.

لێدوانى شارى بێرمینگهام

👤
Live: 57 Today: 2,194 📊 Click Here