تەمویلی مووچەی مانگی 10 خرایە سەر هەژماری بانکی وەزارەتی دارایی هەرێم

-

ئەمڕۆ وەزارەتی دارایی عێراق مووچەی مانگی 10ی مووچەخۆرانی هەرێمی خەرجکرد.

وەزارەتی دارایی و ئابووریی هەرێمی کوردستان رایگەیاند، “ئەمڕۆ یەکشەممە ڕێکەوتی 28ی کانونی یەکەمی 2025، بڕی 942 ملیار و 845 ملیۆن دینار وەک تەمویلی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق”.

لەدوای ناردنی پارەکە چاوەڕواندەکرێت وەزارەتی دارایی هەرێم لیستی مووچە بڵاوبکاتەوە و دەست بە دابەشکردنی مووچە بکرێت.