بەرشەلۆنە گرێبەستێکى ئاڵوگۆڕکارى لەگەڵ چێڵسی ڕەتکردەوە
بەرپرسانى یانەى بەرشەلۆنە ئۆفەرێکی قازانجاوی یانەی چێڵسی بۆ وەرگرتنی فێرمین لۆپێزی یاریزانی یانەکەی ڕەتکردەوە.
بەپێی ڕاپۆرتێکی ڕۆژنامەی میترۆی بەریتانی، ئیدارەی بارسێلۆنا گرێبەستی گۆڕینەوەی لەگەڵ چێڵسی ڕەتکردووەتەوە.
لە ڕاپۆرتەکەدا ئاماژە بەوە کراوە، لە گرێبەستەکەدا کریستوفر نکونکو هێرشبەری فەرەنسی ڕوودەکاتە بەرشەلۆنە، لە بەرامبەردا لۆپێز دەچێتە یانەی چێڵسی.
ڕاپۆرتە کەتەلۆنیەکان پێشتر ئاماژەیان بەوە کردبوو کە هانسی فلیکی ڕاهێنەری ئەڵمانی ئارەزووی هێشتنەوەی ئەو یاریزانە ئیسپانییە دەکات و بە توندی ڕەتیدەکاتەوە ڕێگەی پێبدات بڕوات
فێرمین لۆپێز تەمەنی ٢٢ ساڵ گرێبەستەکەی لەگەڵ بەرشەلۆنە لە مانگی حوزەیرانی ٢٠٢٩ کۆتایی دێت.
فێرمین لۆپێز 88 یاری بۆ بارسێلۆنا ئەنجامداوە و 19 گۆڵی تۆمارکردووە و 11 ئەسیستیشی کردووە.
